2 myńnan astam almatylyq koronavırýsqa qarsy vaktsınany shetelde saldyrǵan
Almaty qalalyq qoǵamdyq densaýlyq saqtaý departamenti basshysynyń orynbasary Svetlana Sultanǵazıevanyń aıtýynsha, eki myńnan astam almatylyq alys-jaqyn shet memleketterde vaktsına alǵan.
«2 myńǵa jýyq azamatymyz sheteldik ekpe tólqujatyn tirkeýge alyp keldi. Shetelde negizinen Pfizer, AstraZeneca, Moderna kompanııalarynyń vaktsınasyn saldyrǵan» - deıdi Svetlana Sultanǵazıeva.
Búǵan deıin ol revaktsınatsııa jasatpaǵan medıtsına qyzmetkerleri jumystan shettetiletinin málim etken bolatyn.
Aıtýynsha, vaktsına almaǵan, qandaı da bir jeke sebebi boıynsha revaktsınatsııa jasatqysy kelmeıtin dárigerler naýqastarmen jumys isteýge jiberilmeıdi. Eger dárigerlerdiń vaktsınadan bas tartýynyń naqty sebebi, medıtsınalyq qarsy kórsetilimi bolmasa onda olar naýqastarmen jumys isteýden shettetiledi.