2 mln teńge kimge buıyrady: Dızaınerlik konkýrstyń aıaqtalýyna eki apta qaldy

ASTANA. QazAqparat - «QazAqparat» HAA Elbasynyń «Rýhanı jańǵyrý» baǵdarlamasyn oldaý ári ony halyq arasynda keńinen nasıhattaý maqsatynda dızaınerlik sheshimder úshin konkýrs jarııalaǵan bolatyn. Sonymen qatar, bul konkýrs arqyly shyǵarmashylyq ortany qoldaı otyryp, zamanaýı mádenıetti «Rýhanı jańǵyrý» qundylyqtarymen jaqyndastyra túsý kózdeledi. Endeshe, elimizdiń shyǵarmashyl azamattaryna, sýretshi-dızaınerlerge óz ıdeıalaryn týyndylar arqyly kórsetetin tamasha múmkindik týyp otyr. Bul konkýrsqa óz ıdeıalarynyń is júzinde halyq arasynda keńinen kórinis tabýyn armandaǵan kez kelgen tulǵa, ujymdar qatysa alady. Endeshe barsha shyǵarmashyl azamattardy belsendi bolýǵa shaqyramyz! Al «QazAqparat» jarııalaǵan dızaınerlik sheshimder týraly konkýrs týraly neni bilý qajet?

Dızaınerlik konkýrs aıasynda ne jasaýǵa bolady? Konkýrsqa qatysý úshin ne isteý kerek?

Siz konkýrsqa usynǵan zamanaýı dızaınerlik sheshimder, Elbasynyń «Rýhanı jańǵyrý» baǵdarlamasynda qamtylǵan taqyryptyq baǵyttardy qamtýy shart. ıAǵnı konkýrstyq jumystar:

-      Qasıetti nysandar, kıeli oryndar, tarıhı eskertkishter;

-      Qazaq mádenıeti men dástúrine úılesken elementter;

-      Týǵan jerińe degen mahabbat;

-      Bilim kýlti;

-      Básekelik qabilet;

-      Pragmatızm;

-      Ulttyq biregeılikti saqtaý;

-      Qazaqstannyń revolıýtsııalyq emes, evolıýtsııalyq damýy;

-      Sananyń ashyqtyǵy

sekildi taqyryptarmen úıleskeni abzal. Árıne, bul úshin kásibı sýretshi nemese myqty, tanymal dızaıner bolý mindetti emes. Eń bastysy, óz ıdeıalaryńyzdy durys, taqyrypty ashatyn baǵytta kórsete bilýińiz kerek.

Konkýrsqa usynylatyn shyǵarma qandaı formatta beriledi?

«Rýhanı jańǵyrý» ıdeıasyn qamtyǵan týyndyny ártúrli formatta berýge bolady: eskız, grafıkalyq ıllıýstratsııalar, kórkem jazýlardy qoldaný, qarandashpen salynǵan sýret, zamanaýı tehnologııalar arqyly jasalǵan kreatıvti týyndylar, grafıkalyq dızaındar t.b.;

Sonyń ishinde arnaıy taqyryptyq elementtermen - baspa ónimderine, kıimderge, áshkeıler, qolmen jasalǵan buıymdar jáne t.b. usynýǵa bolady

Konkýrsqa qalaı qatysýǵa bolady?

 
Konkýrsqa qatysý úshin eshqandaı jastyq nemese basqa da shekteýler joq. Tek árbir taqyryptyq baǵytqa bir qatysýshy nemese ujym bir ǵana shyǵarma usyna alady. Al bul úshin ne isteý kerek:

1.   inform.kz saıtyndaǵy «NAZAR AÝDARYŃYZ, KONKÝRS!»  bannerine ornalasqan konkýrs Erejesimen tanysý kerek.

2.   Óz ıdeıańyzdy usynylatyn taqyryptyq jumysta anyq kórsetý kerek;

3.   Ótinim toltyrý (formaǵa sáıkes);

4.   Ótinimdi [e-mail] ; elektrondyq poshtasyna joldaý

5.   Eske sala keteıik, konkýrsqa jumystardy qabyldaý 1 qarashadan bastalyp, 15-jeltoqsanǵa deıin jalǵasady. ıAǵnı, konkýrstyń aıaqtalýyna eki apta ýaqyt qaldy. Arnaıy qurylǵan qazylar alqasy kelip túsken ótinimderdi qarap, eń úzdik týyndylardy anyqtaıtyn bolady.

Konkýrstan ne kútesiz?

Konkýrs jeńimpazdaryn marapatttaý jeltoqsannyń 21-ine josparlanyp otyr. Jeńimpazdar arnaıy dıplomdarmen jáne aqshalaı syıaqymen marapattalady. Gran-prı ıegeri  2 000 000  teńgege ıe bolady.

Jeńimpazdardyń aqshalaı júldesi:

1 oryn - 1 500 000 teńge;

2 oryn - 1 000 000 teńge;

3 oryn - 500 000 teńge;

Konkýrsqa qatysýshylardy qosymsha yntalandyrý úshin jalpy somasy 1 000 000 teńge quraıtyn arnaıy syılyqtar qarastyrylǵan.

1 arnaıy syılyq - 400 000 teńge;

2 arnaıy syılyq - 400 000 teńge;

3 arnaıy syılyq - 200 000 teńge;

  

Aıta keterligi, konkýrs arqyly úzdik dep tanylǵan dızaınerlik sheshimder keıinnen «Rýhanı jańǵyrý» baǵdarlamasyndaǵy taqyryptyq jumystar boıynsha paıdalanylatyn bolady. Máselen, ondaı týyndylar keıinnen baspa ónimderine (keńse zattary, qalamsap, bloknot, gazet-telearna aıdarlary t.b.), kıimderge (fýtbolka, keýdeshe, shapan, bas kıimderge), túrli buıymdarǵa (ydystar, plakattar t.b.) qoldanylatyn bolady.