2 mln-nan astam bala demalysyn jazǵy lagerde ótkizdi – Tamara Dúısenova

<p>ASTANA. KAZINFORM &ndash; Keler 3 jylda elimizde 90-ǵa jýyq qosymsha bilim berý nysany ashylady. Bul týraly Premer-Mınıstrdiń orynbasary Tamara Dúısenova málim etti.</p>

«Balalardyń oqýdan tys ýaqytyn tıimdi paıdalanýynda qosymsha oqý oshaqtarynyń úlken úlesi baryn otandyq praktıkamyzdyń ózi dáleldep otyr. Sondyqtan mundaı oshaqtardy tek megapolısterde emes, óńirlerde de ashý máselesin qolǵa aldyq. Byltyr óńirlerde osyndaı 12 mekeme ashylsa, aldymyzdaǵy 3 jylda taǵy 89-yn salýdy qarastyryp otyrmyz», - T. Dúısenova Májilistiń jalpy otyrysynda.

Sonymen qatar ol balalardyń jazǵy demalysyn uıymdastyrý máselesine toqtaldy.

«Byltyr bul másele boıynsha depýtattar kóp syn aıtqan edi. Bıyl osy másele óte jiti qaraldy. Barlyq oblysta shtabtar jumys istep jatyr. Órt qaýipsizdigi, SES tekserýlerinen jáne balalarmen jumys isteıtin azamattary arnaýly tekserýden ótken lagerlerge ǵana balalardy jiberýge ruqsat etildi. Qazir 121 maýsymdyq, 9 638 mektep janyndaǵy ári arnaıy lagerler búginge deıin 2 mln-nan asa balaǵa qyzmet kórsetti jáne qyzmetin jalǵastyryp jatyr. Balalardyń qaýipsizdigin saqtaý maqsatynda mektepte jáne mektep janyndaǵy jol ınfraqurylymyn beıimdeý boıynsha da aýqymdy jumystar atqaryldy», - dedi Úkimet basshysynyń orynbasary.