2 mamyrda elordada avtobýs júrmeıdi
«Jeksenbi kúni, 2 mamyrda Nur-Sultan qalasynda jáne qala mańyna qatynaıtyn baǵdarlardyń qozǵalysy bir kúnge toqtatylady. Dezınfektsııalyq jumystar júrgiziledi. ⠀
Senbi jáne dúısenbi kúnderi, 1 jáne 3 mamyrda qoǵamdyq kólik qalypty jumys isteıdi», delingen habarlamada.
Jolaýshy tasymalymen aınalysatyn kompanııa qoǵamdyq kólikte betperde taǵý rejımin saqtaýdy suraıdy. Avtobýsqa betperdesiz kirýge bolmaıdy. Jol aqysy karta kómegimen nemese QR-kod skanerleý/kólik kodyn engizý arqyly qolma-qol aqshasyz tólenedi.
Elorda qazir «qyzyl aımaqta» ornalasqan. Soǵan baılanysty jeksenbi kúni qoǵamdyq kóliktiń jumysy toqtatylady. Avtobýstar men avtoparkterde arnaıy zalalsyzdandyratyn eritindimen aýqymdy dezınfektsııa jumysy júrgiziledi.
Eger qala «qyzyl» aımaqta bolsa, onda Ashyq qosymshasyn qoldanatyn bıznes ıeleri «sary» aımaq úshin kózdelgen sharttar boıynsha jumys isteı alady.