2 qarashada «Medeý» muz aıdyny ashylady

<p>ALMATY. KAZINFORM &ndash; &laquo;Medeý&raquo; muz aıdynynda konkımen syrǵanaý maýsymy 2 qarasha kúni ashylady.</p>

Almaty ákimdiginen málim etkendeı,1qarashada «Medeý» muz aıdyny tehnıkalyq rejımde iske qosylady,oǵan barlyq tilek bildirýshiler seans kestesine sáıkes bara alady.

Al,ekinshi qarashada «Medeý» bıik taýly muz aıdynynda jappaı syrǵanaýdyń jańa maýsymynyń saltanatty ashylýy ótedi.

Saltanatty ashylý baǵdarlamasy saǵat 12:00-den 15:30-ǵa deıin jalǵasady.

Kelýshiler úshin qazaqstandyq estrada juldyzdarynyń qatysýymen kontserttik baǵdarlama qarastyrylǵan.Keshki saǵat 17:00-den 20:00-ge deıin qonaqtar konkýrstarǵa qatysyp,syılyqtaryn alady.

Jańa maýsymda kelýshilerdi kúndelikti jappaı syrǵanaý seanstary, merekelik is-sharalar jáne sporttyq jarystar kútedi.Nıet bildirýshiler konkıdi jalǵa alyp, demalys aımaǵyn paıdalana alady.

Almaty qalasy sport ǵımarattarynyń dırektsııasy qala turǵyndary men qonaqtaryna kassalardaǵy kezekterdi boldyrmaý jáne týrnıket júıesi arqyly jyldam ótýdi uıymdastyrý, keptelister men turaq qıyndyqtaryn boldyrmaý úshin bıletterdi www.medeu.kz resmı saıt arqyly satyp alýdy jáne qoǵamdyq kólikterdi paıdalanýdy usynady.

Ashylý kúni №12 avtobýs baǵytyn «Medeý» bıik taýly muz aıdynyna deıin ulǵaıtý josparlanýda. Avtobýstar jumys kúnderi saǵat 8:00-den 00:00-ge deıin jáne demalys kúnderi saǵat 8:00-den 01:00-ge deıin júredi.

Kólik júretin oryndardy 2GIS qyzmetinen tabýǵa bolady.