2 qańtarda qosymsha 4 qalaaralyq poıyz júredi

<p>Aýa raıynyń qolaısyzdyǵyna baılanysty<strong> </strong>2 qańtarda&nbsp;Kókshetaý, Býrabaı, Atbasar, Pavlodar kýrorty&nbsp;baǵyttary boıynsha&nbsp;<strong> </strong>4 qosymsha qala mańyndaǵy baǵyttar boıynsha poıyz júredi, dep habarlaıdy <strong>&nbsp;</strong><a href="https://kaz.inform.kz/" target="_blank" rel="noopener">Kazinform</a> &laquo;Qazaqstan temir joly&raquo; kompanııasynyń baspasóz qyzmetine silteme jasap.&nbsp;&nbsp;</p>

Osy jyldyń 2 qańtarynda qosymsha mynadaı qala mańyndaǵy poıyzdar iske qosyldy:

Astanadan Atbasarǵa saǵat 8:38-de №6803/6804 «Astana-Atbasar» elektr poıyzy jóneltiledi. Jolaýshylarǵa 274 oryn usyný kózdelgen. Keri baǵytta poıyz sol kúni Atbasardan saǵat 14:40-ta júredi.

Astanadan Kókshetaýǵa saǵat 17:00-de №6805/6806 «Astana-Býrabaı-Kókshetaý» baǵytyndaǵy elektr poıyzy (376 oryndyq) júredi. Keri baǵytta poıyz Kókshetaýdan saǵat 22.35-te jóneltiledi.

Pavlodardan Astanaǵa saǵat 11:57-de №7509 «Pavlodar-Astana» baǵytyndaǵy elektr poıyzy jolǵa shyǵady.(376 oryn). Elektr poıyz Astanaǵa saǵat 14:49-da keledi.

Býrabaı kýrorty stantsııasyna deıin №7553/7556 «Qaraǵandy-Astana» baǵytyndaǵy elektr poıyzynyń qozǵalysy uzartylady (ataýy №6811/6812 «Astana-Býrabaı kýrorty»). Ol Astanadan saǵat 10:10-da jóneltiledi, jolaýshylarǵa 276 oryn beriledi. Keri baǵytta poıyz Býrabaıdan saǵat 14:48-de ketedi.

Osy jyldyń 1 qańtarynda saǵat 21:00-den bastap qosymsha qala mańyndaǵy poıyzdarǵa bıletterdi satý ashylady.

«Jalpy, jańa jyldyq merekelerge - 2023 jylǵy 26 jeltoqsannan 2024 jylǵy 5 qańtarǵa deıin Ulttyq tasymaldaýshy qosymsha poıyzdar men tirkeme vagondardy taǵaıyndaý esebinen 20 myń qosymsha oryn uıymdastyrdy. Sońǵy 2 kún ishinde 4 myńnan astam jolaýshy tasymaldandy. «Jolaýshylar tasymaly» AQ vokzaldar men poıyzdar da jolaýshylar aǵynynyń kúrt ulǵaıýyn eskere otyryp, azamattarǵa aýa raıy jaǵdaılaryn elep, óz saparlaryn aldyn ala josparlaýdy jáne jolaýshylardyń qaýipsizdigin qamtamasyz etýge baǵyttalǵan sharalarǵa túsinistikpen qaraýdy suraıdy», - dedi kompanııadan.

Bıletterdi bilet.railways.kz saıtynan jáne bılet kassalarynda satyp alýǵa bolady.

Jolaýshylar poıyzdarynyń qozǵalys kestesi boıynsha anyqtamalyq aqparatty «1433»tegin nómiri, «KTZH_PP_BOT» bot jedelhattary, sondaı-aq «Jolaýshylar tasymaly» AQ @jolaushylar_tasymaly resmı Instagram-akkaýnty arqyly alýǵa bolady.