2 aıda óńdeý ónerkásibindegi ósim 106,6 paıyzǵa jetti

NUR-SULTAN. QazAqparat – 2021 jyldyń 2 aıynda elimizdiń óńdeý ónerkásibindegi ósim 106,6 paıyzǵa jetti. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Osy jyldyń 2 aıynyń qorytyndysynda elimizdiń óńdeý ónerkásibi sektorlarynda oń úrdis saqtaldy. Jıyntyq kórsetkish 106,1 paıyz. Mashına jasaý salasynda 121,2 paıyz ósim boldy. Avtokólik quraldary, treılerler jáne jartylaı tirkemeler, mashınalar men jabdyqtar óndirisi, ózge de kólik quraldary, kompıýterler, elektrondy jáne optıka jabdyqtary, elektr jabdyqtaryn jóndeý jáne ornatý artty», - dedi 2021 jyldyń qańtar-aqpanynda eldiń áleýmettik-ekonomıkalyq damýy jaıynda baıandaǵan mınıstr.

Mınıstr dereginshe, tústi metallýrgııada da oń dınamıka saqtalyp, ósim 5,4 paıyz boldy. Oǵan tazartylǵan altyn, tazartylǵan kúmis, quıma altyn, túıirshik kúmis, katodty mystyń jáne basqa da kórsetkishterdiń ósimi esebinen qol jetkizildi.

«Qara metallýrgııada naqty kólem ındeksi 100,1 paıyzdy qurady. Shoıyn, ferro-sılıko-marganets óndirisi ósti», - dedi BeıbitAtamqulov.