2,3 mln qazaqstandyq 42500 teńgeden aldy
17 tamyz saǵat 09.00-degi jaǵdaı boıynsha, Memlekettik áleýmettik saqtandyrý qorynan (budan ári – MÁSQ) birjolǵy tólem taǵaıyndaýǵa 2 mln 564 myńnan astam ótinish qabyldandy. Tólem kólemi eń tómengi jalaqy mólsheri – 42 500 teńgege teń. Tólem 2 mln 350,3 myń adamǵa taǵaıyndaldy, onyń 2 mln 341,1 myńyna qarjylaı kómek aýdaryldy. Sondaı-aq tamyz aıynda karantınniń uzartylýyna baılanysty 2 mln 328,2 myń adamǵa 21 250 myń teńgeden (eń tómengi jalaqynyń jartysy) qosymsha berildi. Tólem berý jumystary odan ári jalǵasýda.
MÁSQ-tan tólem alýǵa ótinimder birneshe arna arqyly qabyldanady. 2 mln 564 myńnan astam ótinimniń ishinde:
– 834,8 myń adam proaktıvti formatta tólem taǵaıyndaýǵa kelisim bergen;
– 666,5 myń adam Egov.kz portaly jáne telegram-bottar arqyly;
– 401,9 myń adam 42500.enbek.kz portaly arqyly;
– 660,7 myń adam ekinshi deńgeıli bankterdiń mobıldik qosymshalary men ınternet-resýrstary arqyly;
– 0,3 myń adam shtabtar arqyly ótinish bergen.
Azamattardyń sanattary bólinisinde:
– 834,8 myń ótinish biryńǵaı jıyntyq tólem tóleýshilerden kelgen (proaktıvti formatta);
– 252,4 myń ótinishti jaldamaly qyzmetkerleri úshin jumys berýshiler bergen;
– 1 mln 477 myń ótinish azamattardyń basqa sanattarynan kelip tústi (jeke kásipkerler, jeke praktıkamen aınalysatyn adamdar, azamattyq-quqyqtyq sıpattaǵy sharttar boıynsha tabys alatyn jeke tulǵalar).
2020 jyldyń shildesinde MÁSQ-tan birjolǵy tólem alǵan qazaqstandyqtarǵa karantınniń uzartylýyna baılanysty qosymsha aqy avtomatty túrde taǵaıyndalady. Qaıta ótinish berýdiń qajeti joq.
Karantın uzartylǵannan keıin birjolǵy tólem taǵaıyndaýǵa alǵash ret ótinish bergen azamattarǵa tólem 1,5 ETJ nemese 63 750 teńge (42 500 + 21 250 teńge) mólsherinde taǵaıyndalady. Ótinish qabyldaý 2020 jyldyń 1 qyrkúıegine deıin jalǵasady.