1WIN kazınosy arqyly 3,8 mlrd teńgeni qaltasyna basqan tórteýge izdeý jarııalandy

<p>ASTANA. KAZINFORM — Qarjylyq monıtorıng agenttigi birneshe adamǵa halyqaralyq izdeý jarııalady.</p>

• Reseı azamaty Chernyh Sergeı Vladımırovıch, 1993 jyly týǵan;
• Ýkraına azamaty ıÝdına Marına, 1999 jyly týǵan;
• Qazaqstan azamaty Nesterenko Pavel Igorevıch, 1998 jyly týǵan;
• Qazaqstan azamaty Mýsalıeva Tursyn Begdatqyzy, 1996 jyly týǵan.

Atalǵan tulǵalar Almaty oblysy men Almaty qalasy aýmaǵynda «1WIN» onlaın-kazıno túrinde zańsyz qumar oıyn men býkmekerlik qyzmet uıymdastyrdy jáne basqardy, azamattarǵa zorlyq-zombylyq kórsetip, zańsyz bas bostandyǵynan aıyrdy dep aıyptalyp otyr.

Osyǵan baılanysty qylmystyq áreketten túsken qarajat — 3,8 mıllıard teńge.

Agenttik osy adamdar jaıly qandaı da bir málimet biletinderdiń myna nómirlerge habarlasýyn suraıdy: 

[phone] — Іzdeý jumystary boıynsha,
[phone] — Іzdeý jumystary boıynsha,
[phone] — kezekshi bólim.

Habarlaǵan adam anonım qalady jáne syıaqy bar.