1996-2013 jyldary shyqqan dollar kýpıýralary jaramdy ma - Ulttyq bank jaýaby

<p>ASTANA. KAZINFORM - Qazaqstan Ulttyq banki 1996 &ndash; 2013 jyldar aralyǵyndaǵy kezeńde shyǵarylǵan qolma-qol AQSh dollaryn EDB aıyrbastaý pýnktteriniń jáne banktik emes aıyrbastaý pýnktteriniń aıyrbastaýdan bas tartý faktileri boıynsha azamattardan túsetin shaǵymdardyń jıilep ketkeniy habarlaıdy.</p>

Osyǵan baılanysty Ulttyq bank bul banknotalardyń zańdy tólem quraly bolyp tabylatynyn jáne olardyń túpnusqalyǵy rastalǵan jáne zaqymdanýy bolmaǵan jaǵdaıda Qazaqstannyń aıyrbastaý pýnkterinde komıssııasyz qabyldanatynyn eske salady.

- Eger banknotalar búlinbegen bolsa jáne aınalysta jaramsyz dep tanylmaǵan jaǵdaıda QR zańnamasynda qolma-qol shetel valıýtasyn aıyrbastaý úshin komıssııalar kózdelmegen.

Aıyrbastaý pýnktteri alynatyn komıssııany aıyrbastaýǵa qabyldanatyn banknotalar tólemge qabiletsiz nemese odan ári aınalysqa jaramsyz bolǵan jaǵdaıda ǵana belgileýi múmkin ekenin atap ótemiz, - dep jazdy Ulttyq bankten.

Eger aıyrbastaý pýnkti komıssııa alsa nemese shetel valıýtasyn shyqqan jylyna qaraı qabyldasa, valıýta aıyrbastaýdan negizsiz bas tartsa, sol aıyrbastaý pýnkti ornalasqan jerdegi Ulttyq banktiń aýmaqtyq fılıalyna shaǵymdaný qajet. Shaǵymmen qatar barlyq qajet aqparat pen qujatty qosa kórsetý kerek, bul zańǵa sáıkes shara qoldanýǵa múmkindik beredi.

QUB aýmaqtyq fılıaldarynyń baılanys derekteri jónindegi aqparatty QUB-tyń resmı ınternet-resýrsynan tabýǵa bolady.