1945 j. 15 sáýiri: Keńes áskerleri Avstrııanyń Sankt-Pelten, Korneıbýrg jáne Florıdsdorf qalalaryn jaýdan azat etti
1945 jyldyń 15 sáýirinde 3-shi Ýkraın maıdanynyń áskerleri nemisterdiń Avstrııa jerindegi mańyzdy toraby jáne Traızen ózeni boıyndaǵy kúshti tirekti bekinisi - Sankt-Pelten qalasyn alsa, 2-shi Ýkraın maıdanynyń áskerleri de osy kúni nemisterdiń Avstrııa jerindegi mańyzdy toraby jáne Dýnaı ózeni boıyndaǵy kúshti tirekti bekinisteri - Korneıbýrg jáne Florıdsdorf qalalaryn jaýdan azat etti. Bul týraly «Sotsıalıstik Qazaqstan» gazetiniń 1945 jyldyń 17 sáýirinde (seısenbi) shyqqan №75-shi sanyndaǵy Keńes aqparat bıýrosynyń málimetinde jarııalanǵan.
«2-shi ÝKRAIN maıdanynyń áskerleri 3-shi ÝKRAIN maıdany áskerleriniń kemegimen, nemisterdiń VENADAN soltústikke qaraı sheginbek bolǵan ásker tobyn qorshap talqandady jáne munymen birge nemisterdiń DÝNAI ózeniniń sol jaq jaǵalaýyndaǵy qorǵanatyn kúshti tirekti bekinisteri - KORNEIBÝRG jáne FLORIDSDORF qalalaryı, sondaı-aq HAGENBRÝNN, BIZAMBERG, LANGENTsERSDORF, ShTAMMERS-DORF, LEOPOLЬDAÝ, KAGRAN, ShTADLAÝ qystaqtaryn aldy», - delingen Keńes aqparat bıýrosynyń 15 sáýirdegi urystar málimetinen.
Sonymen qatar, atalmysh málimette 3-shi Ýkraın maıdanynyń áskerleri shabýyl jasaı otyryp, osy kúni nemisterdiń Avstrııa jerindegi mańyzdy toraby jáne Traızen ózeni boıyndaǵy kúshti tirekti bekinisi Sankt-Pelten qalasyn jáne PREIVITs, TRAISMANER, POTTENBRÝNN, RATTsERSDORF, ShTATTERSDORF, ALЬTMANSDORF qystaqtaryn alǵandyǵy aıtylǵan.
Maıdan áskerleri budan bir kún buryn - 14 sáýirde bolǵan urystarda barlyǵy 1 140 nemis soldaty men ofıtserin tutqyndady.
Osy jeńisterge baılanysty joǵaryda atalǵan eki maıdan áskerleriniń qolbasshylaryna osy urystarda kózge túsken quramalar men bólimderdi ordendermen marapattaýǵa usyný jáne 15 sáýirde Máskeý qalasynda keshki saǵat 21:00-de 3-shi Ýkraın maıdany áskerleriniń qurmetine júz jıyrma tórt zeńbirekten on eki dúrkin, al 2-shi Ýkraın maıdany áskerleriniń qurmetine sol kúni keshke 22 saǵat 30 mınýtta eki júz jıyrma tórt zeńbirekten jıyrma dúrkin artıllerııa oǵyn atyp, Otan atynan salıýt beriletindigi jáne olarǵa Alǵys jarııalanatyndyǵy týraly Joǵarǵy bas qolbasshy Iosıf Stalınniń tıisti buıryqtary shyqty.
15 sáýir kúni Keńes áskerleri basqa maıdandarda da eleýli jeńisterge qol jetkizgen.
«Zemland túbeginde, KENIGSBERGTІŃ soltústik-batys jáne batys jaǵynda, 3-BELORÝS maıdanynyń áskerleri shabýyl jasaı otyryp, 60-tan asa eldi jerdi, olardyń ishinde RAÝShEN, GEORGENSVALЬDE, VARNIKEN, GROSS KÝREN, KLAIN KÝREN, BRıÝSTERORT, GROSS DIRShKAIM, KRAISLıA-KEN, GROSS HÝBNIKEN, KLAIN-HÝBNIKEN, DORBNIKEN, KRAKSTEPELLEN, PALM-NIKEN, ZORGENAÝ, VILLKAÝ, TIRENBERG, NORGAÝ, KLAIN MEDENAÝ, MEDENAÝ, ADLIH POVAIEN, ShÝDITTEN, KONDENEN jáne VIDITTEN qystaqtaryn aldy. Bul aýdanda 15 sáýirde bolǵan urystarda maıdan áskerleri 3000 asa nemis soldaty men ofıtserin qolǵa túsirdi» - delingen málimette.
Sonymen qatar, gazettiń úshinshi betinde qazaqtyń kórnekti aqyny, sol kezdegi «Sotsıalıstik Qazaqstan» gazetiniń tilshisi Asqar Toqmaǵambetovtiń «Egis dalasynda» degen maqalasy basylǵan.
Onda jýrnalıst eginshiler úshin sáýir aıynyń alar orny men egin egý naýqanynyń barysyn sıpattaı kele, ozat kolhozdardy úlgi etip, artta kele jatqan kolhozdardy ótkir synaıdy.Sóıtip eginshilerdi «Jeńis jylyn jemisti etip» qarsy alýǵa shaqyrady.
Gazettiń kóshirmeleri QR Mádenıet jáne sport mınıstrliginiń «Qujattaný jáne muraǵat isi jónindegi ǵylymı-tehnıkalyq aqparat ortalyǵy» RMM-nen alyndy. Ortalyq dırektory Alqııa Rahymbaevaǵa alǵys bildiremiz.