1944 jyly marapattalǵan UOS ardagerine «Dańq» ordeni búgin tapsyryldy - Pavlodar
Mártebeli marapatty Reseı Federatsııasynyń Óskemendegi bas konsýly Sergeı Annenkov tabys etti, dep habarlaıdy pavlodarnews.kz.
Konsýldyń aıtýynsha, qan maıdandaǵy batyrlarymyzdyń kórsetken erligi úshin beriletin bul orden Mıhaıl Chernyıdyń keýdesine 1944 jyly taǵylýy kerek edi. Biraq belgisiz sebeptermen medal ıesin tappaǵan. - Uly Otyn soǵysynda erekshe erli kórsetken jerlesterińizge qalaı qurmet kórsetsek te kóptik etpeıdi. Mıhaıl Pavlovıch bul ordendi kóp kútkenin bilemiz. Sol armany mine búgin oryndalyp otyr. Orden Reseı Federatsııasynyń memlekettik muraǵatynan tabyldy. Eń bastysy, kóziniń tirisinde keýdesine qadadyq. Batyrǵa soǵysta kórsetken óshpes erligi úshin alǵys aıta otyryp, zor densaýlyq tilep, balalarynyń qyzyq-qýanyshyna bólene berýin tileımiz, - dedi Sergeı Annenkov.
Aıta keteıik, Mıhaıl Chernyı Keńes áskeriniń qataryna 1943 jyly 7 qarashada shaqyrylǵan. 1944 jyly Belarýs maıdanynda shaıqasyp, osy jyldyń maýsym aıynda «Bagratıon» áskerı operatsııasyna qatysqan. Soǵys aıaqtalǵan soń eline aman oralyp, 50 jyldan astam salyq salasynda eńbek etti. Maıdanda kórsetken janqııarlyq eńbeginiń arqasynda І dárejeli «Uly Otan soǵysy» ordenimen, «Erligi úshin» jáne «Germanııany jeńgeni úshin» medaldarymen marapattalǵan. Óz kezeginde sóz alǵan soǵys ardageri joǵalǵan ordenniń tabylýyna uıytqy bolǵan azamattarǵa alǵysyn aıta otyryp, barlyq qazaqstandyqtardy el Táýelsizdiginiń 25 jyldyq mereıtoıymen quttyqtady.