194 myń qazaqstandyq shet elderde eńbek etip júr

ASTANA. QazAqparat – QR Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev búginde qazaqstandyqtar qaı elderde jumys istep júrgenin aıtyp berdi, dep habarlaıdy QazAqparat tilshisi.

Bizdiń mindetimiz – shetelde jumys isteıtin qazaqstandyqtardyń zańdy quqyqtarynyń qorǵalýyn qamtamasyz etý. Syrtqy ister mınıstrliginiń málimetinshe, birinshi toqsannyń qorytyndysy boıynsha 194 myńnan astam qazaqstandyq shet memleketterde eńbek etýde. Naqtylap aıtqanda, Reseı Federatsııasynda –162 myń, Polshada –13 myń adam, Ońtústik Koreıada –6 myń adam, Ulybrıtanııada 5 myn adam jumys istep júr

, - A. Ertaev Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, Túrkııa, Birikken Arab Ámirlikteri jáne basqa da eldermen ondaǵy QR azamattarynyń eńbek quqyqtaryn qorǵaıtyn jańa kelisimder jasaýǵa bastamashylyq etý úshin qosymsha sharalar qabyldanyp jatyr.

Ońtústik Koreıada el azamattaryn zańdy jumysqa ornalastyrýdy qamtamasyz etý úshin Qazaqstandy «Eńbekke ruqsat berý júıesine» engizý máselesi pysyqtalýda. Osy júıe arqyly jumysqa ornalastyrý migration.enbek.kz portalynda tirkelý arqyly júzege asyrylady. Shetelde jumys istegisi kelgen adam aldymen til úırenýge, mindetti medıtsınalyq tekserýden ótýge, qajetti qujattardy rásimdeýge kórsetý úshin qosymsha tıisti jumysty eńbek utqyrlyǵy ortalyqtary júrgizedi

, - dedi A. Ertaev.