1937-1938 jyldary Qazaqstanda 25 myńnan astam adam atý jazasyna kesilgen

ASTANA. QazAqparat - 31 mamyr - saıası qýǵyn-súrgin qurbandaryn eske alý kúni. Ataýly kún Qazaqstan Respýblıkasynyń Prezıdenti Nursultan Nazarbaevtyń Jarlyǵymen 1997 jyldan bastap atap ótilip keledi. Bul data Qazaqstan úshin aıryqsha maǵynaǵa ıe.

«Halyq jaýlaryn» anyqtaý boıynsha qatań saıasattyń saldarynan qýǵyn-súrginge ushyraǵandardyń ózderi ǵana emes, olardyń jaqyndary da zardap shekti. Qazaqstanda 103 myńnan astam adam qýǵyn-súrginge ushyrady, 25 myńnan astamy atý jazasyna kesildi. Olardyń arasynda qazaq zııalylary: ǵalymdar, mádenıet jáne saıasat salasynyń qaıratkerleri boldy. Atap aıtar bolsaq, Turar Rysqulov, Álıhan Bókeıhanov, Beıimbet Maılın, Maǵjan Jumabaev, Ahmet Baıtursynov, Іlııas Jansúgirov, Sáken Seıfýllın, Halel Dosmuhamedov pen Jahansha Dosmuhamedov, t.b. bar.

Jalpy, tarıhı derekterge qaraǵanda, 1921-1954 jyldary aralyǵynda KSRO-da «kontrrevolıýtsııalyq» nemese «antısovettik» degen jalamen 3 mıllıon 777 myń adam sottalsa, olardyń 642 myńy atý jazasyna kesilgen eken.