193 memleket alǵash ret jasandy ıntellekt boıynsha kelisimge qol qoıdy

NUR-SULTAN. QazAqparat - ıÝNESKO-ǵa kiretin barlyq 193 el jasandy ıntellekttiń qaýipsiz damýy men qoldanylýyn qamtamasyz etý úshin qajetti jalpy qundylyqtar men qaǵıdattardy anyqtaıtyn tarıhı qujatty maquldady, dep habarlaıdy QazAqparat BUU Jańalyqtar qyzmetine silteme jasap.

Naryqta múmkindigi shekteýli adamdardyń ómirin edáýir jeńildetetin jáne olardyń avtonomııasyn keńeıtetin kóptegen qurylǵylar bar.

Jasandy ıntellektke negizdelgen tehnologııalar bizdiń kúndelikti ómirimizde keńinen qoldanylady: reısterdi brondaý, bank nesıesin alýǵa ótinimderdi resimdeý kezinde, borttyq kompıýtermen basqarylatyn avtomobılderde. Jasandy ıntellekt qaterli isik aýrýyn dıagnostıkalaý jáne múgedekter úshin ınklıýzıvti orta qurý sııaqty mamandandyrylǵan salalarda keńinen qoldanylady.

Sonymen qatar, ıÝNESKO málimetteri boıynsha, úkimetter sheshim qabyldaýda, ashtyq pen klımattyń ózgerýi sııaqty problemalarmen kúresýde jasandy ıntellektti qoldanýda. Sonymen birge, ıÝNESKO bul tehnologııa «buryn-sońdy bolmaǵan problemalardy» týdyrýy múmkin dep eskertedi.

«Biz genderlik jáne etnıkalyq turǵydan teris uǵym kórinisterin, sondaı-aq jeke ómir men bostandyqtyń buzylýyn, jappaı baqylaý qaýpin jáne quqyq qorǵaý organdarynyń jasandy ıntellekt tehnologııasyn teris paıdalanýyn baıqap jatyrmyz. Osy ýaqytqa deıin teris paıdalanýdy shekteıtin ádister, biregeı standarttar bolmaǵan», - delingen ıÝNESKO málimdemesinde.

ıÝNESKO-ǵa múshe elder qabyldaǵan qujat jasandy ıntellekt tehnologııasynyń etıkalyq damýyn qamtamasyz etý úshin quqyqtyq ınfraqurylym qalyptastyrýǵa baǵyttalǵan.

«Álemge belgili bir jasandy ıntellektti qoldaný erejeleri qajet. Biz qabyldaǵan qujat álemde alǵashqy jahandyq normatıvtik baza ornatyp, memleketke ony qoldanǵany úshin jaýapkershilik júkteıdi», - dedi ıÝNESKO bas dırektory Odrı Azýle.