191 mlrd teńgege eseptelgen memlekettik satyp alý zańnamasy buzylǵan

NUR-SULTAN. QazAqparat - 2019 jyldyń 4 aıynda 191 mlrd teńgege memlekettik satyp alý zańnamasynyń buzýshylyǵy anyqtaldy. Bul týraly búgin Úkimet otyrysynda QR Premer-Mınıstriniń orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.

«4 aıdyń qortyndysy boıynsha kameraldyq baqylaýmen jalpy somasy 3 trln 603 mlrd teńgege 592 myń memlekettik satyp alý protsedýralary qamtyldy. Tekserý qorytyndysy 11 855 protsedýra boıynsha somasy 191 mlrd teńgege memlekettik satyp alý zańnamasynyń buzýshylyǵy anyqtaldy. Osy buzýshylyqtardy joıý úshin aýdıt nysandaryna 11 758 habarlama joldandy», - dedi 2019 jyldyń 4 aıyndaǵy memlekettik bıýdjetiniń atqarylý qorytyndysy týraly baıandaǵan Álıhan Smaıylov.

Mınıstrdiń aıtýynsha, nátıjesinde 175 mlrd teńgege buzýshylyqtar túzetildi. Sonymen qatar, 1 139 aýdıtorlyq is-sharalar júrgizildi. Olar 234 mlrd teńge bıýdjet qarajatyn qamtydy.

32 mlrd teńgege qarjylyq buzýshylyqtar anyqtaldy.

«Taýarlardy jetkizý, qyzmetterdi kórsetý jáne jumystardy oryndaý, bıýdjetke óteý, esep boıynsha kórsetý jolymen 27,6 mlrd teńgege qarjylyq buzýshylyqtar qalpyna keltirildi. Aýdıt nysandarynyń qyzmetterin jetildirý jáne tıimdiligin arttyrý úshin 980 usynys berildi. Olardyń 566 oryndaldy. Aýdıttiń qorytyndylary boıynsha, somasy 19,1 mlrd teńgege 157 materıal protsessýaldy sheshim qabyldaý úshin quqyq qorǵaý organdaryna joldandy», - dedi Á.Smaıylov.