19 jastaǵy eki stýdent qyz esirtki satqan: Qostanaıda sot bastaldy

QOSTANAI. QazAqparat – Qostanaıdaǵy qylmystyq ister jónindegi mamandandyrylǵan sotta asa iri kólemdegi esirtkimen ustalǵan 19 jastaǵy eki qyzdyń isi qaralyp jatyr, dep habarlaıdy QazAqparat «Qostanaı jańalyqtary» saıtyna silteme jasap.

Stýdentter Angelına Antıpenko men Anastasııa Savostıanova asa iri kólemde sıntetıkalyq esirtkini satyp alý jáne satý qylmystary boıynsha aıyptalyp otyr.

Ekeýi de esirtkini jasyryp ketý áreketi ústinde ustaldy. Bireýinen untaq salynǵan ondaǵan túıinshek tabyldy.

Ustalǵan kúni qyzdar bekitilgen jerlerde – turǵyn úıdiń kireberisine birneshe dozany qoıyp úlgergeni anyqtaldy. Sondaı-aq boıjetkenderdiń úıin tintý kezinde «sıntetıka» men gashısh tabyldy.

Stýdentter 15 jylǵa deıin bas bostandyǵynan aıyrylýy yqtımal.

Ázirge qyzdar elden shyqpaý týraly qolhatpen júr. Mundaı iste osylaı erkin júrý sırek beriletin múmkindik.

Sotqa Angelına Antıpenkonyń zańdy ókili sanalatyn anasy kelmeı qalǵan. Sol sebepti sot otyrysy keıinge qaldyryldy. Qyzdardy qoldaýǵa eki qurbysynan basqa eshkim kelmegen.