19 qyrkúıek kúngi aýa raıy boljamy

ASTANA. QazAqparat – 19 qyrkúıekte Qazaqstan aýmaǵynyń basym bóligi sýyq antıtsıklonnyń yqpalynda bolady, jaýyn-shashynsyz aýa raıy saqtalady, túnde elimizdiń soltústiginde, ortalyǵynda, shyǵysynda úsik kútiledi. Atmosferalyq fronttardyń ótýine baılanysty elimizdiń batysynda, soltústik-batysynda, ońtústik-shyǵystyń taýly aýdandarynda naızaǵaı oınap, jańbyr jaýady. El boıynsha ekpindi jel, ońtústikte – shańdy daýyl, shyǵysta túnde jáne tańerteń tuman boljanady, dep habarlaıdy QazAqparat «Qazgıdromet» RMK-ǵa silteme jasap.

Atap aıtqanda, Qyzylorda, Túrkistan, Jambyl, Almaty oblystarynyń basym bóliginde, Abaı oblysynyń soltústik-batysynda, soltústiginde, shyǵysynda, Atyraý oblysynyń ońtústiginde, Aqtóbe oblysynyń ońtústiginde, shyǵysynda tótenshe órt qaýpi saqtalady. Qostanaı oblysynyń ońtústiginde, Pavlodar oblysynyń ortalyǵynda joǵary órt qaýpi kútiledi.

Túnde Aqmola oblysynyń shyǵysynda, Qaraǵandy oblysynyń soltústigi men shyǵysynda, Shyǵys Qazaqstan oblysynyń soltústik-shyǵysynda, Abaı oblysynyń batysynda 1-3 gradýs úsik saqtalady. Túnde Ulytaý oblysynyń soltústiginde, Pavlodar oblysynyń basym bóliginde topyraq betinde 1 gradýs úsik júredi.

Nur-Sultan qalasynda: kóshpeli bultty, jaýyn-shashynsyz. Ońtústik-shyǵystan jel soǵady, kúshi 3-8 m/s quraıdy. Aýa temperatýrasy túnde 4-6 gradýs jyly, kúndiz 21-23 gradýs jyly bolady.

Almaty qalasynda: kóshpeli bultty, jaýyn-shashynsyz. Jeldiń jyldamdyǵy 2-7 m/s quraıdy. Aýa temperatýrasy túnde 11-13, kúndiz 25-27 gradýs jyly bolady.

Shymkent qalasynda: kóshpeli bultty, jaýyn-shashynsyz. Soltústik-shyǵystan jel soǵady, kúshi 8-13 m/s. Aýa temperatýrasy túnde 13-15, kúndiz 30-32 gradýs jyly bolady.