19 qyrkúıek. Tulǵalar týǵan kún
ESІMDER
51 jyl buryn (1973) Qazaqstan Respýblıkasy Prezıdenti Іs Basqarmasy Medıtsınalyq ortalyǵy meńgerýshisiniń orynbasary Lıýdmıla VıtalevnaBıÝRABEKOVA dúnıege keldi.
Qaraǵandy qalasynda týǵan. Qaraǵandy memlekettik medıtsına akademııasyn (1997), Qazaqstan farmatsevtıkalyq ınstıtýtyn (2004), Halyqaralyq bıznes akademııasyn bitirgen, iskerlik ákimshilik magıstri (2014).
Eńbek joly: Qaraǵandy oblystyq qan quıý stantsııasynda medbıke (1990-1991); Qaraǵandy memlekettik medıtsına ınstıtýtynyń klınıkalyq ordınatory, Qaraǵandy qalasy H.J. Maqajanova atyndaǵy kópsalaly klınıkalyq aýrýhanasynyń klınıkalyq farmakology. Professory (2004-2006); Qaraǵandy oblysy densaýlyq saqtaý basqarmasynyń bas mamany (2006-2007); Batys Qazaqstan oblysy densaýlyq saqtaý basqarmasy basshysynyń strategııalyq damý jáne dári-dármek saıasaty jónindegi orynbasary (2007-2009); Farmatsevtıkalyq qyzmetti, dárilik zattardyń sapasy men qoldanylýyn baqylaý basqarmasynyń basshysy; Qazaqstan Respýblıkasy Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıteti tóraǵasynyń orynbasary (2009-2010); Medıtsınalyq kómekti uıymdastyrý departamentiniń bas menedjeri, «Ulttyq medıtsınalyq holdıng» AQ Medıtsınalyq kómekti uıymdastyrý departamentiniń dırektory (2011-2013); Respýblıkalyq sanıtarlyq avıatsııa ortalyǵynyń oqý-klınıkalyq bóliminiń bastyǵy (2013-2014); Qazaqstan Respýblıkasy Prezıdenti Ákimshiliginiń Medıtsınalyq ortalyǵynyń «Medıtsınalyq tehnologııalar jáne aqparattyq júıeler ortalyǵy» AQ vıtse-prezıdenti (02.2014-12.2014); Qazaqstan Respýblıkasy Prezıdenti Іs basqarmasynyń vedomstvolyq baǵynysty uıymdardy basqarý bóliminiń bas ınspektory (2014-2015); Qazaqstan Respýblıkasy Prezıdenti Ákimshiliginiń Medıtsınalyq ortalyǵy meńgerýshisiniń orynbasary» (2015-2017); Farmatsııa komıtetiniń tóraǵasy – bas memlekettik farmatsevtıkalyq ınspektor; Taýarlar men qyzmetterdiń sapasy men qaýipsizdigin baqylaý komıtetiniń tóraǵasy; Qazaqstan Respýblıkasy Densaýlyq saqtaý vıtse-mınıstri (2017-2020).
2021 jyldyń sáýir aıynan bastap qazirgi qyzmetinde.
49 jyl buryn (1975) Qazaqstannyń Sıan qalasyndaǵy bas konsýly Joshyhan Asylbekuly QYRAÝBAEV dúnıege keldi.
Ál-Farabı atyndaǵy Qazaq memlekettik ulttyq ýnıversıtetin (1998), Kókshetaý ýnıversıtetin shyǵystanýshy-fılolog, qytaı tili muǵalimi, aýdarmashy-referent, zańger mamandyǵy boıynsha bitirgen (2003), tarıh ǵylymdarynyń kandıdaty (2010).
Eńbek joly: Qazaqstan Respýblıkasy Syrtqy ister mınıstrligi Konsýldyq qyzmet departamentiniń jetekshi mamany, kómekshisi, attashesi (1998-2000); attashe, Qazaqstan Respýblıkasynyń Ózbekstan Respýblıkasyndaǵy Elshiliginiń úshinshi hatshysy (2000-2023); Qazaqstan Respýblıkasy Syrtqy ister mınıstrligi vıza qyzmetiniń úshinshi hatshysy, Qytaı, Úrimji (2003); Qazaqstan Respýblıkasy Syrtqy ister mınıstrligi Konsýldyq qyzmet departamentiniń úshinshi hatshysy (2003-2004); Qazaqstan Respýblıkasynyń Qytaı Halyq Respýblıkasyndaǵy Elshiliginiń vıtse-konsýl, birinshi hatshysy – konsýl, keńesshi – konsýly (2004-2009); Qazaqstan Respýblıkasynyń Gonkong OAR jáne Makao OAR-daǵy Bas konsýly, Qytaı Halyq Respýblıkasy (2009-2010); Qazaqstan Respýblıkasy Syrtqy ister mınıstrligi Azııa jáne Afrıka departamenti dırektorynyń orynbasary (2010-2012); Qytaı Halyq Respýblıkasynyń Shanhaı qalasyndaǵy Qazaqstan Respýblıkasynyń Bas konsýly (2015-2020); Qazaqstan Respýblıkasy Syrtqy ister mınıstrligi Konsýldyq qyzmet departamenti dırektorynyń orynbasary (2020-2021); Qazaqstan Respýblıkasy Syrtqy ister mınıstrliginiń Azııa-Tynyq muhıty aımaǵy departamentiniń dırektory (2021-2023 jj.).
2023 jyldyń naýryz aıynan bastap Qytaıdyń Sıan qalasyndaǵy Qazaqstan Respýblıkasynyń Bas konsýly.
40 jyl buryn (1984) Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý komıtetiniń tóraǵasy Asan Kóbentaıuly DARBAEV dúnıege keldi.
Aqmola oblysynda dúnıege kelgen.
Ál-Farabı atyndaǵy Qazaq ulttyq ýnıversıtetin, T. Rysqulov atyndaǵy Qazaq ekonomıka ýnıversıtetin, QR Prezıdenti janyndaǵy Memlekettik basqarý akademııasyn, Warwick ýnıversıtetin («Bolashaq» baǵdarlamasynyń stıpendıaty) támamdaǵan.
Eńbek jolyn 2005 jyly QR Qarjy mınıstrliginiń qurylymynda bastaǵan.
Túrli jyldary «Básekeli saıasatty damytý jáne qorǵaý ortalyǵynda», Almaty oblysy boıynsha Monopolııaǵa qarsy basqarmada básekelestikti qorǵaý bóliminiń bas mamany, basshysy qyzmetterin atqarǵan.
2013-2014 jyldary QR Básekelestikti qorǵaý agenttiginde Kvazımemlekettik sektor jáne tutynýshylardyń quqyqtaryn qorǵaý departamenti dırektorynyń orynbasary, Memlekettik kásiporyndar men qosylýlaryn baqylaý departamentiniń dırektorynyń orynbasary boldy.
2014-2015 jyldary QR Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıtetiniń Memlekettik kásiporyndar men qosylýlaryn baqylaý basqarmasyn basqardy. 2015-2017 jyldary — QR UEM Tabıǵı monopolııalardy retteý jáne básekelestikti qorǵaý komıtetiniń tóraǵasynyń orynbasary.
2017-2019 jyldary QR UEM Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary bolyp eńbek etti.
Qazirgi qyzmetinde 2019 jyldyń qyrkúıek aıynan bastap.
36 jyl buryn (1988) Rıdder qalasynyń ákimi Dýman Esdáýletuly RAHMETQALIEV dúnıege keldi.
Shyǵys Qazaqstan oblysynda týǵan. Praga halyqaralyq ýnıversıtetin (2011) jáne Qazaqstan-Amerıka erkin ýnıversıtetin (2016) bitirgen.
Eńbek joly: «Teploenergosnab» JShS ekonomısi (2011); «Qazatomónerkásip-Demeý» JShS bas mamany (2013); «Orman jáne ańshylyq sharýashylyǵy jedel áreket etý bólimi» KMM ınspektory (2014 j.); baǵdarlamashy, ınvestorlarǵa qyzmet kórsetý ortalyǵynyń bas menedjeri, aktıvterdi basqarý departamentiniń dırektory, «Ertis» ÁKK» AQ basqarma tóraǵasynyń orynbasary (2014-2019); Shyǵys Qazaqstan oblysynyń qarjy basqarmasynyń basshysy (02.2020-04.2023); Shyǵys Qazaqstan oblysy Ulan aýdanynyń ákimi (2023-2024).
2024 jyldyń maýsym aıynan bastap qazirgi qyzmetinde.
119 jyl buryn (1905-1983) aqyn, jazýshy Asqar TOQMAǴAMBETOV dúnıege keldi.
Qyzylorda oblysynyń Syrdarııa aýdanynda týǵan. Ekinshi dúnıejúzilik soǵysqa qatysqan. Tashkent polıtehnıkýmyn, Máskeý Baspa ınstıtýtyn bitirgen.
«Lenınshil jas», «Sotsıalıstik Qazaqstan», «Qazaq ádebıeti» gazetteri men «Ara» jýrnalynda qyzmet istegen. Qazaqstan Jazýshylar odaǵynyń Shymkent, Qyzylorda oblystary boıynsha jaýapty hatshysy bolǵan.
1928 jyldan bastap óleńderi men poemalary, ocherkteri men feletondary jeke kitap bolyp basylyp shyqty.
Otan soǵysy jyldarynda jaýyngerlerdiń maıdandaǵy erlikterin, halyqtar dostyǵy, soǵystan keıingi jyldarda beıbit ómir tynysyn óz shyǵarmalaryna arqaý etti.
«Hat», «Baqyt kilti», «Qaskeleń», «Ómirge jol», «Agronom kóktemi», «Batyr Álı», «Aqyn taǵdyry», «Kreml saqshysy», «Ajaldy jeńgen alyptar», «Batyrlar dastany», «Ýborşıtsa», «Berlın kóshesinde», «Ispanııa», «Qarańǵy túnde», «Reın jaǵasynda» poemalarynyń, «Bizdiń Sáýle», «Qosh aman bol», «Bátımanyń haty», «Kút meni», «Súıgen jarǵa» taǵy basqa ánge arnalǵan óleńderiniń, Ybyraı Jaqaev ómirin beıneleıtin «Qyran tuǵyrdan ushady», Qazan tóńkerisiniń qarsańyndaǵy aýyl ómirin sýretteıtin «Aqmonshaq» (O.Bodyqovpen birge), «Qarbalasta» povesteri men romandarynyń, «Jyr kúmbezi» atty tarıhı romannyń avtory.
«Eki zań», «Saılaý», «Aldar Kóse», «Bir semıa» atty pesalary bar. S.Aınıdiń «Quldar» romanyn qazaqshaǵa aýdardy.
Qazan tóńkerisi, І dárejeli Otan soǵysy, úsh ret Eńbek Qyzyl Tý ordenderimen jáne medaldarmen marapattalǵan.