181 myńǵa jýyq oqýshy kúrdeli jóndeýden ótken mektepterde oqyp jatyr

<p>ASTANA. KAZINFORM &ndash; 181 myńǵa jýyq qazaqstandyq oqýshy jóndeýden ótken mektep ǵımarattarynda partaǵa otyrdy. Bul týraly Oqý-aǵartý mınıstrliginiń baspasóz qyzmeti málim etti.</p>

Bıyl elimizdiń 280 mektebinde kúrdeli jóndeý jumystary júrgizilýde. Oqý jylynyń basynan beri 181 myńǵa jýyq qazaqstandyq oqýshy jańartylǵan mektepterde partaǵa otyrdy.

Mektep ǵımarattyna jóndeý jumysy barysynda shatyrlar aýystyrylyp, ǵımarattar men terezelerdiń qasbetteri jańartyldy, sondaı-aq ishki ınjenerlik kommýnıkatsııalar sý qubyry, káriz, jylytý júıeleri jáne elektr jelileri jóndeldi. Seısmıkalyq belsendiligi joǵary óńirlerdegi mektepterdi seısmıkalyq kúsheıtýge erekshe nazar aýdaryldy.

Esterińizge sala keteıik, buǵan deıin mınıstrlik birneshe ret jóndelip jatqan mektepterge oqý-tárbıe protsesiniń buzylýyna jol bermeý jáne ony qaýipsiz uıymdastyrý boıynsha monıtorıng júrgizgen bolatyn.

Búgingi tańda kúrdeli jóndeýmen qatar, shaǵyn qalalar, aýdan ortalyqtary men aýyldarda jeti baǵyt boıynsha zamanaýı standarttarǵa saı 1000 mektepti jańǵyrtý jumystary júrgizilýde. Jańǵyrtý balalarǵa oqý men tárbıeleý úshin qolaıly jaǵdaı jasaý, materıaldyq-tehnıkalyq jaraqtandyrýdy nyǵaıtý jáne oqý protsesiniń sapasyn arttyrý arqyly qalalyq jáne aýyldyq mektepter arasyndaǵy bilim berý sapasyndaǵy alshaqtyqty azaıtýǵa baǵyttalǵan. Bul jumystyń aıasynda kúrdeli jóndeý, pándik kabınettermen jabdyqtaý, mektep jıhazdaryn jańartý, kitaphanalardy, ashanalardy jáne qaýipsizdik sharttaryn jaqsartý júzege asyrylýda.

Búgingi tańda 780 aýyldyq mekteptegi jańǵyrtý jumystary aıaqtaldy. Sonymen qatar, bıyl 1383 zamanaýı pándik kabınet satyp alynyp, onyń 843-i ornatyldy.

Buǵan deıin Batys Qazaqstanda «Jaıly mektep» jobasy aıasynda 3 mektep paıdalanýǵa beriletini habarlandy.