18 jyl boıy izdeýde júrgen er adam Pavlodarda ustaldy

PAVLODAR. QazAqparat - 18 jyl boıy memleketaralyq izdeýde júrgen er adam Pavlodarda ustaldy, – dep habarlaıdy QazAqparat Polisia.kz saıtyna silteme jasap.

Qazaqstan Respýblıkasynyń 59 jastaǵy azamaty 2003 jyldyń shilde aıynda Reseı Federatsııasynyń Memlekettik shekarasyn zańsyz kesip ótti dep kúdiktelýde.

– Sol kezde er adamdy Reseı Federatsııasynyń FSB qyzmetkerleri ustaǵan, Reseı Federatsııasynyń Qylmystyq kodeksiniń 322-baby 1-bóligi boıynsha qylmystyq is qozǵaldy, er adamnan «eshqaıda ketpeý týraly qolhat» alyndy. Alaıda sol kezdegi 40 jastaǵy er adam Qazaqstanǵa ketip qalǵan. Osy jyldar ishinde izdestirilgen qylmysker Pavlodar qalasynda turǵan, – dep habarlady Pavlodar oblysy Polıtsııa departamentiniń baspasóz qyzmeti.

Er adamnyń memleketaralyq izdeýde ekendigin týraly jedel ýákilder Reseı Federatsııasynyń áriptesterinen bildi.

Aıta ketý kerek, polıtsııa qyzmetkerleri turaqty negizde qylmystyq qylmyskerler men habar-osharsyz ketken azamattardy izdestirý jumystaryn júrgizýde. 2021 jyldyń qorytyndysy boıynsha pavlodarlyq jedel ýákilder 103 qylmystyq qylmyskerdi izdestirdi, habar-osharsyz ketken 88 azamattyń mekenjaıy anyqtaldy. Bıyl jedel ýákilder eki qylmyskerdi ustady jáne habar-osharsyz ketken úsh adamnyń ornalasqan jerin anyqtady.