18 jeltoqsanda kórsetiletin telesabaqtar jeksenbige aýystyryldy

NUR-SULTAN. QazAqparat - QR Bilim jáne ǵylym mınıstrligi elimizdiń bilim berý uıymdary osy aptada qalaı jumys isteıtindigin jarııa etti, dep habarlaıdy QazAqparat tilshisi.

«Aptasyna bes kún jumys isteıtin (bilim beretin) bilim berý uıymdary 16, 17, 18 jáne 19 jeltoqsan kúnderi demalady, 18 jeltoqsandaǵy jumys kúni 20 jeltoqsanǵa (jeksenbi) aýystyrylady», - delingen mınıstrliktiń Telegram-arnasynda jarııalanǵan aqparatta.

Vedomstvo málimetinshe, aptasyna alty kún jumys isteıtin (bilim beretin) bilim berý uıymdary 16, 17 jáne 18 jeltoqsan kúnderi demalady. 18 jeltoqsan kúngi jumysty 20 jeltoqsanǵa aýystyrý týraly sheshimdi árbir bilim berý uıymy ata-analar komıtetimen birlesip qabyldaı alady.

«Juma kúni kórsetiletin telesabaqtar 20 jeltoqsanǵa aýystyrylatyndyǵyn eskertemiz», - dep atap ótedi mınıstrlikten.

Eske salsaq, q azaqstandyqtar jeltoqsan aıynda 11 kún demalatyndyǵy týraly buǵan deıin habarlaǵan edik.