18 jastaǵy túrkistandyq qyz saılaýda alǵash ret daýys berdi

TÚRKІSTAN. QazAqparat - 18 jastaǵy túrkistandyq saılaýda alǵash ret daýys berdi, dep habarlaıdy QazAqparat tilshisi.

Túrkistan qalasynyń turǵyny Nazgúl Qýandyq búgin alǵash ret saılaýǵa qatysyp, daýys berdi.

Nazgúl eli úshin óz tańdaýyn jasady. Ol mańyzdy saıası naýqanda daýys berýdi óziniń azamattyq boryshy dep biledi. Búgin otbasymen birge tańǵy 7-de kelip, bir januıadan 4 adam daýys bergen.

«Men saılaýǵa alǵash ret qatysyp otyrmyn. Alǵashqyda ári qyzyq, ári qobaljý boldy. Saılaý ýchaskesine kirip, óz daýsymdy berip shyqtym. Men úshin búgingi kún erekshe este qaldy»-deıdi ol.

Aıta keteıik, Túrkistan qalasy boıynsha tańǵy 07:00-den 50 saılaý ýchaskesiniń esigi ashyq. Azamattar keshki 20:00-ge deıin óz saılaý ýchaskesine baryp daýys bere alady.