18 jastaǵy Arýjan Saǵyndyqova Týnıstegi týrnırdiń jeńimpazy atandy

Qazaqstandyq sportshi, 18 jastaǵy Arýjan Saǵyndyqova Monastır (Týnıs) ITF týrnıriniń jeńimpazy atandy, dep habarlaıdy QazAqparat tilshisi.

Álemniń 829-shy, osy jarystyń 3-raketkasy A. Saǵyndyqova fınalda dúnıejúzilik reıtıngte 1 253-orynda turǵan úndistandyq Vaıshnavı Adkarmen chempıondyq ataqqa talasty.

Birinshi partııa tartysty bolyp, taı-breıkte Arýjan sátti oınady - 7:6 (8:6).

Ekinshi sette qazaqstandyq jas tennısshi qarsylasyna esh múmkindik qaldyrǵan joq - 6:0.

Sóıtip, Arýjan Saǵyndyqova mańyzdy jeńisine qol jetkizdi.

Eske sala keteıik, budan buryn Arýjan Saǵyndyqovanyń Týnıstegi jarystyń fınalyna shyqqanyn jazǵan bolatynbyz.

Sondaı-aq, Devıs kýboginde Qazaqstan Bolgarııany utyp, kelesi kezeńge shyqty.