ASTANA. KAZINFORM — Qazaqstandyq, 18 jastaǵy Sonıa Jıenbaeva Antalııa (Túrkııa) ITF W15 týrnıriniń shırek fınalyna shyqty.
Dúnıejúzilik reıtıngide 1246-orynda turǵan jas tennısshi aldymen álemniń 896-raketkasy, bolgarııalyq Dııa Evtımovadan 6:4, 6:1 esebimen aılasyn asyrdy.
Jıenbaeva búgin ekinshi aınalymda álemniń – 524, osy jarystyń 1-raketkasy, 18 jastaǵy reseılik Aleksandra Shýbladzemen kezdesýde sensatsııa jasady. Sonıa Shýbladzeni 6:3, 7:5 esebimen jarys jolynan taıdyrdy.
Endi Sonıa jartylaı fınalǵa ótý úshin reıtıngide 1001-satydaǵy aýstrııalyq Mavıe Ostereıhermen sheberlik baıqasady.
Eske sala keteıik, budan buryn Beıbit Juqaevtyń juptyq synda Meksıkadaǵy týrnırdiń shırek fınalyna ótkenin jazǵan bolatynbyz. Sondaı-aq Anna Danılına Qazaqstan – Japonııa matchyn bastaıdy.
Sonymen qatar Qazaqstan – Japonııa teketiresinde Zarına Dııastyń nege oınamaıtyny belgili boldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).