ASTANA. KAZINFORM — Qazaqstandyq tennısshi, 18 jastaǵy Ámir Omarhanov juptyq synda Manakor (Ispanııa) ITF M15 týrnırinde top jardy.
Jarystyń 3-raketkasy bolyp tirkelgen Á.Omarhanov amerıkalyq Gevın ıAngpen birge tórt match ótkizdi.
Qazaqstandyq-amerıkalyq dýet jartylaı fınalda ulybrıtanııalyqtar Djo Lıter — Markýs Valtersten 6:2, 6:3 esebimen basym tústi.
Sońǵy básekede aýstralııalyq Taı Host — reseılik Egor Pleshıvtsevpen chempıondyq ataqty sarapqa saldy.
Birinshi partııa 7:5 esebimen aýstralııalyq-reseılik juptyń enshisine jazyldy.
Ekinshisinde Omarhanov — ıAng ese qaıyrdy — 6:3. Sodan keıin sýper taı-breıkte jeńisti julyp aldy — 10:8.
Ámir Omarhanov jekeleı synda ekinshi aınalymda tartysty matchta bolgarııalyq, 17 jastaǵy Ivan Ivanovqa jol berdi — 5:7, 7:6 (7:3), 3:6.
Eske sala keteıik, budan buryn Aýstralııa ashyq chempıonatynda Zańǵar Nurlanulynyń alǵashqy matchynda jeńiske jetkenin jazǵan edik.
Sondaı-aq qazaqstandyq tennısshi Úndistandaǵy jarysta top jardy.
Aýstralııa chempıonatynda Elena Rybakına tórtinshi aınalymǵa joldama aldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).