ASTANA. KAZINFORM – Qazaqstandyq tennısshi, álemniń 771-raketkasy Ámir Omarhanov Monastır ITF M15 týrnırin sátti bastady.
18 jastaǵy tennısshi aldymen jekeleı synda álemniń 688-inshi, osy dodanyń 7-raketkasy, ıtalııalyq Leonardo Rossımen kortqa shyqty.
Ámir tartysty kezdesýde azýly qarsylasyn 6:4, 2:6, 6:3 esebimen tize búktirdi.
Ámir Omarhanov shırek fınalǵa shyǵý úshin reıtıngide 1 378-oryndaǵy ulybrıtanııalyq Djeıms Konnelmen talasady.
Qazaqstandyq tennısshi frantsııalyq Vıktor Paganettımen birge juptyq synda ıtalııalyqtar L.Rossı – Petro Mýgellıdi 6:2, 6:1 esebimen oısyrata utty.
Jarystyń 4-raketkalary Ámir Omarhanov – Vıktor Paganettı shırek fınalda ulybrıtanııalyqtar Bendjamın Gýsık Van – Lıýtsıýs Gýtterrıdjben sheberlik baıqasady.
Eske sala keteıik, budan buryn Beıbit Juqaevtyń juptyq synda Meksıkadaǵy jarystyń shırek fınalyna shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).