18 jasar stýdenttiń tabysy bolmasa da bankter kredıt beretin, endi bermeıdi

<p>ASTANA. KAZINFORM — Elimizde 500 myńǵa jýyq jastyń tutynýshylyq kredıti bar. Bul týraly Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty.</p>

«Qazirgi ýaqytta 18-20 jas aralyǵyndaǵy 480 myń, shamamen 500 myń adamnyń tutynýshylyq kredıti bar. Onyń ishinde problemalyq kredıti bar adamdar sany — 47 myń jas», — dedi agenttik tóraǵasy Májilistiń jalpy otyrysynan keıin BAQ ókilderiniń saýalyna oraı.

Onyń atap ótýinshe, búgin Májiliste 1-oqylymda maquldanǵan «Keıbir zańnamalyq aktilerge kredıt berý kezinde táýekelderdi barynsha azaıtý jáne qaryz alýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasynda jastarǵa tutynýshylyq kredıt berýdi shekteý tetikteri qarastyrylǵan. 

«Buryn olar resmı túrde tabysy bolmasa da kredıt ala beretin. Endi shákirtaqysy ne jalaqysy, ıaǵnı resmı tabysy bolsa ǵana beriledi. Jalpy, kredıt alý — adamnyń konstıtýtsııalyq quqyǵy. Degenmen, onyń tabysyna baılanysty shekteý qoıa alamyz», — dedi Mádına Ábilqasymova.