18 tamyzda Qazaqstanda ótetin mańyzdy oqıǵalarǵa sholý
NUR-SULTAN
Saǵat 09:00-de Úkimet úıinde Úkimet otyrysy ótedi. Sharany PrimeMinister.kz saıtynan jáne Úkimettiń áleýmettik jelilerdegi resmı akkaýnttarynan onlaın rejımde kórýge bolady.
Saǵat 12.30-da Ortalyq kommýnıkatsııalar qyzmetinde «Kommýnaldyq saladaǵy tabıǵı monopolııa sýbektilerin retteý» taqyrybynda baspasóz konferentsııasy ótedi. Kórsetilim siltemesi - Youtube , Facebook.
Saǵat 15.00-de Nur-Sultan qalasyndaǵy «Nursultan Nazarbaev Halyqaralyq áýejaıy» AQ aýmaǵynda Turaqty damý maqsattary (TDM) ınstallıatsııasynyń resmı ashylý sharasy bastalady.
Saǵat 16.00-de Nur Otan partııasynyń Nur-Sultan qalasy fılıalynda qalalyq máslıhat fraktsııasynyń depýtatttary «Ózgeris joly: árkimge laıyqty ómir!» saılaýaldy baǵdarlamasyn iske asyrý máselelerin talqylaıdy.
ALMATY
19.00-de Almaty ákimi Baqytjan Saǵyntaev tikeleı efırde turǵyndardyń ózekti suraqtaryna aptalyq Akimat live baǵdarlamasynda jaýap beredi. S uraqty 8 777 046 33 33 WhatsApp nómirine jiberýge, sondaı-aq Almaty.tv arnasynyń YouTube, Facebook paraqshasyna pikir retinde qaldyrýǵa bolady. Sondaı-aq, +7 (727)-275-01-02, +7 (727)-275-22-16 nómirine habarlasyp, suraq qoıa alasyzdar.