18 shilde kúni elimizdiń basym bóliginde kún qatty ysıdy

ASTANA. QazAqparat - Qazgıdromet Qazaqstan aımaqtarynda 18 shildede bolatyn qaýipti meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Atmosferalyq frontaldy bólimderdiń ótýimen QR basym bóliginde turaqsyz aýa raıy saqtalady, jańbyr jaýady, eldiń soltústik-batysynda qatty jańbyr bolady, naızaǵaı, burshaq, daýyl kútiledi.

Tek respýblıkanyń shyǵysynda kún raıy jaýyn-shashynsyz bolady. Respýblıka boıynsha jel kúsheıedi, túnde elimizdiń soltústiginde shańdy daýyl, soltústik-batysynda túnde jáne tańerteń tuman kútiledi.

Kúndiz Aqmola, Jambyl, Almaty, Jetisý, Túrkistan, Qaraǵandy, Jambyl oblystarynda, Ulytaý, Abaı Shyǵys Qazaqstan oblystarynyń ońtústiginde 35-41°s qatty ystyq saqatalady, Almaty oblysynyń ortalyǵynda, Jetisý oblysynyń soltústiginde, ońtústiginde, ortalyǵynda óte qatty ystyq (42°S) kútiledi.

Túrkistan, Jambyl, Almaty, Shyǵys Qazaqstan, Pavlodar, Qaraǵandy, Aqmola, , Ulytaý, Abaı, Jetisý oblystarynda, Mańǵystaý oblysynyń soltústik-batysynda, ortalyǵynda, ońtústiginde, Qostanaı oblysynyń ońtústiginde, Atyraý oblysynyń batysynda, shyǵysynda, Qyzylorda oblysynyń ortalyǵynda tótenshe órt qaýpi saqtalady.