18 naýryz. Týǵan kún ıeleri

ASTANA. QazAqparat – Búgin, ıaǵnı 18 naýryzda tulǵalardan kimder dúnıege kelgen? QazAqparat oqyrmanǵa esimder kúntizbesin usynady.

7 5 jyl buryn (1948) fılologııa ǵylymdarynyń doktory, Qazaqstan Respýblıkasy Gýmanıtarlyq ǵylymdar akademııasynyń akademıgi, Qazaqstan Jazýshylar odaǵynyń múshesi Ýálıhan Qalıjanuly QALIJAN dúnıege keldi.

Almaty oblysy Jambyl aýdany Jangeldi aýylynda týǵan. 1971 jyly QazMUÝ-dy, 1978 jyly osy oqý orynnyń aspırantýrasyn bitirgen.

Eńbek joly: 1971-1978 jyldary – «Jetisý» gazetinde menshikti aǵa tilshi; 1978-1980 jyldary – Qazaqstan LKSM OK-de nusqaýshy, baspasóz sektorynyń meńgerýshisi; 1980-1986 jyldary – «Qazaqstan pıoneri» (qazirgi «Ulan») gazetiniń redaktory; 1986-1994 jyldary – «Jas Alash» gazetinde redaktor; 1995-1996 jyldary – QR Baspasóz jáne buqaralyq aqparat quraldary mınıstriniń orynbasary, QR Prezıdenti Ákimshiligi ishki saıasat bólimi meńgerýshisiniń orynbasary; 1996-1998 jyldary – respýblıkalyq «Egemen Qazaqstan» gazetiniń bas redaktory; 1998-1999 jyldary – QR Parlamenti Senaty baspasóz qyzmetiniń basshysy. QR Parlamenti Májilisiniń ІІ, ІІІ, IV shaqyrylymdarynyń depýtaty (1999-2011 jyldary).

«Prezıdent», «Qazaq ádebıetindegi dinı-aǵartýshylyq aǵym», «Jádıtshil jyrlar», «Sheńber» atty prozalyq kitaptary, shyǵarmalarynyń bes tomdyq jınaǵy jaryq kórgen. G. Gýlııanyń «Omar Haııam týraly» romanyn qazaq tiline aýdarǵan. 1999 jyly fılologııa ǵylymdarynyń doktory ataǵyn alǵan. QR eńbek sińirgen qaıratkeri.

69 jyl buryn (1954) satırık, Qazaqstan Jazýshylar jáne Jýrnalıster odaǵynyń múshesi Tolymbek ÁLІMBEKULY dúnıege keldi.

Jambyl oblysynyń Jýaly aýdanynda týǵan. Qazaq memlekettik ýnıversıtetiniń jýrnalıstıka fakýltetin bitirgen soń, Jambyl aýdanynyń «Shuǵyla-Radýga», Jambyl oblystyq «Eńbek týy» gazetterinde qyzmet istedi. Krasnogor aýdanynyń «Kommýnızm joly – Pýt k kommýnızmý» gazetiniń redaktory, respýblıkalyq «Ara-Shmel» satıralyq jýrnalynyń bólim redaktory boldy. Qazaq teledıdary «Orda» shyǵarmashylyq birlestiginiń bas redaktory, Qazaqstan Jazýshylar odaǵy Ádebıetshiler úıiniń dırektory qyzmetterin atqardy.

Qazir M. Áýezov atyndaǵy Qazaq drama teatry kórkemdik jetekshisiniń ádebı keńesshisi.

Syqaq áńgime, ólenderi «Qarlyǵash», «Kúlemiz be, qaıtemiz?», «Kimge kúlki, kimge túrpi», «Tamasha», «O nesi, eı?» jınaqtarynda jaryq kórdi. «Kogda solntse smeetsıa» jınaǵyna áńgimeleri orys tiline aýdarylyp basyldy. «Lám-mım», «Ym-jym», «Toıda jolyǵaıyq» atty satıralyq shyǵarmalardyń avtory. R. Beletskııden, F. Býlıakovtan, M. Zadornovtan tárjimalaǵan komedııalary M. Áýezov atyndaǵy akademııalyq drama teatrda qoıyldy.

6 9 jyl buryn(1954) ardager jýrnalıst Erlan Qojakeldıev dúnıege kelgen.

Qazirgi Túrkistan oblysy Otyrar aýdanynda týǵan. S. Kırov atyndaǵy Qazaq memlekettik ýnıversıtetiniń jýrnalıstıka fakýltetin jýrnalıst mamandyǵy boıynsha bitirgen. 1978-1987 jyldary «Qazaqstan» teleradıokomıteti Qazaq radıosynda «Nasıhat», «Aýyl sharýashylyǵy», «Jastar jáne balalar» bas redaktsııalarynyń redaktory bolyp qyzmet etken, 1987-2002 jyldary «Qazaqstan» respýblıkalyq teleradıokorporatsııasynda «Ǵylym jáne bilim» redaktsııasynyń, «Jan daýysy» ekologııalyq baǵdarlamasynyń, «Sharaına» aqparattyq baǵdarlamasynyń redaktory, júrgizýshisi, «Aqsham» aqparattyq-saraptamalyq baǵdarlamasynyń bólim meńgerýshisi boldy.

2002-2020 jyldary «QazAqparat» halyqaralyq aqparat agenttiginiń shyǵarýshy redaktory qyzmetin atqardy.

«Qazaqstan Konstıtýtsııasyna 10 jyl» (2005) medalimen, «Aqparat salasynyń úzdigi» tósbelgisimen marapattalǵan.

50 jyl buryn (1973) bilikti zańger, zań ǵylymdarynyń doktory, professor Shapaq Únzıla Shapaqqyzy dúnıege keldi.

Mońǵolııa Respýblıkasynda týǵan. E. Bóketov atyndaǵy Qaraǵandy memlekettik ýnıversıtetin bitirgen, quqyqtaný (1996); aspırantýra (1998); Qazaq gýmanıtarlyq zań ýnıversıteti, memleket jáne quqyq teorııasy men tarıhy kafedrasynyń doktorantýrasy (2010); Qaztutynýodaǵy Qaraǵandy ekonomıkalyq ýnıversıteti, ekonomıka (2012).

Eńbek joly: QarMÝ zań fakýltetiniń «Quqyq negizderi», «Memleket jáne quqyq teorııasy men tarıhy» kafedrasynyń oqytýshysy (1996-1998); QarMÝ zań fakýltetiniń memleket jáne quqyq teorııasy men tarıhy kafedrasynyń aǵa oqytýshysy (2001-2004); Qazaq gýmanıtarly zań ýnıversıtetiniń Memleket jáne quqyq teorııasy men tarıhy kafedrasynyń dotsenti (2004-2009); QazGZÝ shet elderdiń memleket jáne quqyq teorııasy men tarıhy kafedrasynyń meńgerýshisi (2009-2011); Qazaqstan Respýblıkasy Ádilet mınıstrligi Zańnama ınstıtýtynyń lıngvıstıkalyq saraptama ortalyǵynyń bas ǵylymı qyzmetkeri (2010-2015); KazGıÝÝ ýnıversıtetindegi Ulttyq Quqyq Joǵary mektebiniń dırektory (2011-2014); «KazGıÝÝ Ýnıversıteti» AQ Quqyq joǵary mektebiniń dırektory (2014-2016); Quqyq arqyly demokratııa úshin Eýropalyq komıssııa múshesiniń orynbasary (Venetsııa komıssııasy) (2016 jyldan bastap).

Atqaratyn laýazymynda – 2016 jylǵy naýryzdan bastap.

«KazGıÝÝ-ǵa 15 jyl», «Eren eńbegi úshin», «Qazaqstan Respýblıkasy Konstıtýtsııasyna 20 jyl» medaldarymen; Qazaqstan Respýblıkasy Bilim jáne ǵylym mınıstriniń (2001, 2009), Qaraǵandy jáne Astana qalalary ákimderiniń Qurmet Gramotasymen (2002, 2010) marapattalǵan.

4 5 jyl buryn (1978) Qazaqstan Respýblıkasy Іshki ister mınıstrligi B. Beısenov atyndaǵy Qaraǵandy akademııasynyń basshysy Aqynǵalı Dáýitbaıuly DÁRMENOV dúnıege keldi.

Qostanaı oblysynda týǵan. Qazaqstan Respýblıkasy Іshki ister mınıstrliginiń Almaty zań ınstıtýtyn bitirgen, quqyqtaný mamany (1999); Qazaqstan Respýblıkasy Іshki ister mınıstrliginiń Akademııasy (2003); Eýropalyq qaýipsizdik ortalyǵy. D. Marshall («Kóshbasshylyǵyn arttyrý baǵdarlamasy boıynsha kóshbasshylar baǵdarlamasy», Germanııa, 2008); Kembrıdj ýnıversıteti, Ulybrıtanııa («Bolashaq» Memlekettik baǵdarlamasy boıynsha, 2010).

Eńbek joly: Qostanaı oblysynyń Meńdiqara aýdandyq ІІB tergeýshisi (02.1999-09.1999); QR Іshki ister mınıstrligi Qostanaı zań ınstıtýtynyń Qylmystyq quqyq jáne qylmystyq quqyq kafedrasynyń oqytýshysy (1999-2000); QR Іshki ister mınıstrligi akademııasynyń kúndizgi oqý bólimimen birge QR ІІM akademııasynyń Qylmystyq quqyq saıasaty jáne krımınologııa departamentinde «Uıymdasqan qylmyspen, terrorızmmen, dinı ekstremızmmen kúrestegi ózekti máselelerdi damytý týraly» № 6 zerthanasynyń aǵa ǵylymı qyzmetkeri (2000-2003); QR Іshki ister mınıstrligi akademııasynyń adıýnktýra bastyǵy (2006-2010); QR Іshki ister mınıstrligi akademııasynyń dotsenti, doktoranty (03.2010-10.2010); QR Іshki ister mınıstrligi Almaty qalasy akademııasy zań ınstıtýtynyń arnaıy fakýltetinde jalpy quqyq kafedrasynyń dotsenti (2012-2013); QR Іshki ister mınıstrliginiń Kadrlyq jumystar departamenti vedomstvolyq bilim berýdi uıymdastyrý basqarmasynyń bastyǵy (2013-2014); Qaraǵandy oblysy ІІD oqý ortalyǵynyń bastyǵy (2014-2015); QR Іshki ister mınıstrligi Oqý ortalyǵynyń bastyǵy, Temirtaý qalasy (2015-2019).

2019 jyldyń qańtar aıynan bastap qazirgi qyzmetinde. ІІІ dárejeli «Іshki ister organdaryndaǵy minsiz qyzmeti úshin» medalimen, «Qazaqstan polıtsııasyna 20 jyl» medaldarymen marapattaldy; «Qazaqstan Respýblıkasynyń Іshki ister mınıstrligindegi úzdik qyzmeti úshin» tósbelgisi (2007), «ІІM úzdik qyzmeti úshin» (2012). «Astana» medali (1998), «Qazaqstan Parlamentiniń 10 jyldyǵy» (2006), «Astananyń 10 jyldyǵy» (2008) marapattaldy.