18 myńnan astam qazaqstandyqqa Abaı esimi berilgen

NUR-SULTAN. QazAqparat – 18 232 qazaqstandyqtyń esimi aqyn, aǵartýshy jáne fılosof, jańa qazaq ádebıetiniń negizin qalaýshy Abaı qurmetine qoıylǵan. Bul týraly QR Ádilet mınıstrliginiń baspasóz qyzmetinen málim etti, dep habarlaıdy QazAqparat tilshisi.

QR Ádilet mınıstrligi AHAT basqarmasynyń málimetinshe,, uly aqynnyń otany - Shyǵys Qazaqstan oblysynda Abaı esimdi 378 azamat turady.

Búginde eń úlken Abaı 92 jasta bolsa, eń kishisi nebári 2 kún buryn týǵan. Kishkentaı Abaı 2020 jylǵy 20 qańtarda Saryaǵash qalasynda dúnıege keldi.

«Sońǵy 10 jyl ishinde (2009-2020 jj.) ata-analar balalaryna Abaı esimin 2470 ret tańdaǵan. Eń kóbi Túrkistan oblysynda (415), Almaty (321) jáne Nur-Sultan (273) qalalarynda turady», - dep atap ótedi mınıstrlikten.