18 myńnan astam domen ataýy qazaqstandyq hostıngke «kóshti»

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Orazbek «kz», «qaz» domen ataýlaryn Qazaqstan aýmaǵyna aýystyrý jumysy týraly aıtyp berdi, dep habarlaıdy QazAqparat tilshisi.

Spıkerdiń aıtýynsha, qazir Qaznette 175 myńnan astam birinshi deńgeıdegi «kz» jáne «qaz» domen ataýlary bar, onyń 99 632-si jumys istep tur.

«Monıtorıng nátıjesi boıynsha, 2020 jyly qazanda TsDIAÓM Aqparattandyrý týraly zańnama talaptaryn saqtaý maqsatynda «Qazaq jelilik aqparat ortalyǵy» mekemesine habarlama jiberdi jáne 45 myńnan astam tirkeýshig e kórsetilgen talaptardyń buzylǵany jáne olardy 30 qarashaǵa deıin túzetý kerektigi eskertildi. Mınıstrlikke domen ıelerinen osy talaptyń oryndalý merzimin aýystyrý týraly shaǵymdar men ótinishter túse bastady. Mınıstrlik barlyq aspektilerdi nazarǵa alyp, talapty oryndaý merzimin 2021 jylǵy 1 aqpanǵa deıin uzartýdy uıǵardy. Qazirgi ýaqytta 45 myń domendik ataýdyń 18 623-i qaldy, is júzinde ekiden bir bóligi qazaqstandyq hostıngke «kóshti», - dedi A. Orazbek Ortalyq kommýnıkatsııalar qyzmetinde ótken brıfıngte.