18 qańtarda elordada ótetin mańyzdy sharalar ańdatpasy
9.00-de Úkimet úıinde Úkimet otyrysy ótedi. Kún tártibinde sanıtarııalyq-epıdemıologııalyq jaǵdaı, eldegi áleýmettik-ekonomıkalyq jaǵdaıdy turaqtandyrý jónindegi jedel is-qımyl jospary jáne ınflıatsııanyń, azyq-túlik ónimderi men munaı ónimderi baǵasynyń ósýine jol bermeý sharalary qarastyrylmaq. Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarynda onlaın rejımde kórsetiledi.
15.00-de Qazaqstan halqy Assambleıasy el Prezıdenti Qasym-Jomart Toqaevtyń bastamalaryn qoldaý men «Qazaqstan halqyna» qoryn qurý jónindegi respýblıkalyq dóńgelek ústelin ótkizedi.
17.30-da QR Prezıdenti janyndaǵy Ortalyq kommýnıkatsııalar qyzmetinde Qazaqstandaǵy epıdemıologııalyq jaǵdaı jáne omıkron shtammynyń aınalymy týraly baspasóz máslıhaty ótedi. Oǵan QR Premer-Mınıstriniń orynbasary Eraly Toǵjanov, QR Densaýlyq saqtaý mınıstri Ajar Ǵınııat, QR DSM sanıtarııalyq-epıdemıologııalyq baqylaý komıtetiniń tóraǵasy Aıjan Esmaǵambetova qatysady. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.