18 eldiń kóshbasshylary HAMAS-ty kepilge alynǵandardy bosatýǵa shaqyrdy

<p>ASTANA. KAZINFORM &ndash; 18 eldiń birlesken málimdemesinde kepilge alynǵandardy bosatý týraly kelisim dereý jáne uzaqqa sozylǵan atysty toqtatýǵa alyp keletini jáne qosymsha gýmanıtarlyq kómek kólemin arttyrýǵa kómektesetini aıtylǵan, dep habarlaıdy <a href="https://www.dw.com/ru/lidery-18-stran-prizvali-hamas-osvobodit-zaloznikov/a-68923391" target="_blank" rel="noopener">DW</a> aqparat agenttigi.&nbsp;</p>

AQSh, Germanııa jáne taǵy 16 el Palestınanyń radıkaldy ıslam uıymy HAMAS-ty Gaza sektorynda 200 kúnnen astam ýaqyt boıy kepilge alynǵandardy bosatýǵa shaqyrdy. Bul týraly beısenbi, 25 sáýirde Aq úıdiń saıtynda jarııalanǵan birlesken málimdemede aıtylǵan.

Oǵan AQSh prezıdenti Djo Baıden men Germanııa federaldyq kantsleri Olaf Sholtstan basqa Aýstrııa, Argentına, Brazılııa, Bolgarııa, Ulybrıtanııa, Vengrııa, Danııa, Ispanııa, Kanada, Kolýmbııa, Polsha, Portýgalııa, Rýmynııa, Serbııa, Taıland jáne Frantsııa basshylary qol qoıdy.

«Biz HAMAS-tyń Gazada 200 kúnnen beri kepildikke ustap otyrǵan barlyq adamdardy dereý bosatýǵa shaqyramyz. Olardyń arasynda bizdiń azamattar da bar. Gazadaǵy kepilge alynǵandar men beıbit turǵyndardyń halyqaralyq quqyqpen qorǵalǵan taǵdyry halyqaralyq alańdaýshylyq týdyrady», - delingen málimdemede.

Qujatta mundaı mámile uzaqqa sozylǵan atysty toqtatýǵa alyp keletini, qosymsha gýmanıtarlyq kómektiń ulǵaıýyna yqpal etetini jáne soǵys qımyldarynyń aıaqtalýyna ákeletini atap ótilgen.