175 myń qazaqstandyq shetelde júr

NUR-SULTAN. QazAqparat – Shetelden elge oralǵysy keletin Qazaqstan azamattarynyń barlyǵyn ákelemiz. Bul týraly QR Aqparat jáne qoǵamdyq damý mınıstri Dáýren Abaev málim etti, dep habarlaıdy QazAqparat tilshisi.

«Qazir shetelde Qazaqstan Respýblıkasynyń 175 myń azamaty bar. Olardyń kópshiligi Otanyna oralǵysy keledi. Prezıdent aıtqandaı, memleket eshkimdi qıyndyqta tastamaıdy. Sondyqtan qaıta oralǵysy keletinderdiń barlyǵyn ákelemiz. Qazir Syrtqy ister mınıstrligi osy baǵytta úlken jumys júrgizýde», - dedi mınıstr «Habar 24» telearnasynyń tikeleı efırinen.

Osy oraıda ol jaqyn arada sheteldegi azamattardy tasymaldaý bastalatynyn aıtty.

«Ózderińiz biletin shyǵarsyzdar, keıbir damyǵan elderdiń ózinde shetel azamattaryn emdeýden bas tartyp, medıtsınalyq saqtandyrýdy joıyp jatyr. Mysaly, biz AQSh-tan 179 azamatymyzdy alyp kelemiz. Bular stýdent pen mektep oqýshylary. Polshadan 65, Izraılden 28 azamatymyzdy jetkizemiz. Reseıden mamyr aıynda 6 myńnan asa azamatymyzdy ákelýdi josparlaýdamyz», - dedi Dáýren Abaev.