17 shildeden beri sheteldik qansha kólik ýaqytsha tirkeýge alyndy

ASTANA. QazAqparat – Іshki ister mınıstrligi Ákimshi polıtsııa komıteti basqarma bastyǵy orynbasarynyń mindetin atqarýshy Altynbek Jamalıev 17 shildeden beri 1 myńǵa jýyq sheteldik kólik ýaqytsha tirkeýge alynǵanyn aıtty, dep habarlaıdy QazAqparat tilshisi.

«2023 jyldyń 20 qańtarynan bastap bizde kólik quryldaryn tirkeý jumystary júrgizilip jatyr. Sonyń ishinde 200 myńnan astam kólik quraly naqty esepke qoıyldy. Onyń 15 myńy – qosalqy bólshek retinde kirgizilgen kólikter. Ondaı kólikterdi tirkeýdi biz 22 mamyrdan bastaǵan bolatynbyz», - dedi ol vedomstvonyń onlaın brıfıngisinde.

Ákimshilik polıtsııa komıtetiniń ókili 17 shildeden beri qansha avtomashına ýaqytsha esepke alynǵanyn málim etti.

«17 shildeden bastap búginge deıin 1 myńǵa jýyq kólik quralyn ýaqytsha eseptiń tirkeýine qoıdyq. Sonymen qatar 1,5 myń kólik quraly jaqyn arada tirkeýge daıyn tur. ıAǵnı, olardyń bárin krımınalıster tekserip, qujattardy ári qaraı Halyqqa qyzmet kórsetý ortalyǵyna berýge daıyn otyr.

Barshańyzdy osy berilip otyrǵan múmkindikti jiberip almaı, kólikterińizdi esepke qoıdyrýǵa shaqyramyz. Ol úshin bizdiń Halyqqa qyzmet kórsetý ortalyqtarynda barlyq múmkindikter men aqparat bar», - dedi Altynbek Jamalıev.