17 naýryzda «Tumar» Ulttyq televızııa syılyǵynyń alǵashqy laýreattary belgili bolady

ASTANA. QazAqparat - "Tumar" Ulttyq televızııa syılyǵynyń alǵashqy laýreattary 17 naýryzda belgili bolady. Bul týraly búgin OKQ ótken brıfıngte QR Aqparat jáne kommýnıkatsııa mınıstrliginiń baspasóz xatshysy Arsen Bektasov málim etti, dep xabarlaıdy QazAqparat.

"Buryn "Tumar" alǵashqy televızııalyq syılyqtyń bastalǵany týraly xabarlanǵan bolatyn. Qazirgi ýaqytta ótinishter qabyldanyp jatyr. Búginde respýblıkalyq jáne jergilikti deńgeıdegi avtorlardan 100-den astam ótinish tústi. Erteń ótinish qabyldaýdyń sońǵy kúni, 17 naýryzda qorytyndysyn shyǵaramyz", - dedi ol.

Aıta keteıik, syılyqqa úmitker avtorlardan ótinish qabyldaý 12 aqpanda bastalǵan bolatyn. "Tumar" syılyǵy 12 atalymda ótedi: úzdik derekti fılm, úzdik áleýmettik joba, úzdik aqparattyq baǵdarlama, úzdik aqparattyq-taldamalyq baǵdarlama, úzdik mýzykalyq baǵdarlama, úzdik tok-shoý, úzdik televızııalyq serıal, úzdik ázil-syqaq baǵdarlama, televızııalyq maýsymnyń úzdik oqıǵasy, televızııa damýyna qosqan úlesi úshin, úzdik aımaqtyq aqparattyq baǵdarlama, úzdik aımaqtyq áleýmettik baǵdarlama.