17 mamyr kúni elordada ótetin mańyzdy sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 17 mamyr kúni Astanada ótetin mádenı jáne qoǵamdyq mańyzdy sharalar ańdatpasyn usynady.

9.00-de Kongress ortalyǵynda «Qazaqstan halqyna» qoǵamdyq qorynyń bastamasymen «Bilimdi urpaq – bilimdi el» konferentsııasy ótedi.

9.30-da Astana memlekettik qyzmet habynyń «Merıtokratııa. Parasattylyq. Innovatsııalar» atty jyl saıynǵy konferentsııasy ótedi. Sharaǵa Amerıka, Eýropa, Afrıka, Ortalyq Azııa, Kavkaz, Ońtústik-Shyǵys Azııanyń 30 eliniń ókilderi qatysady.

10.00-de Ekonomıka úıindegi Ekonomıkalyq zertteýler ınstıtýtynda «Qazaqstannyń demografııalyq syn-qaterleri: ýrbanızatsııa» taqyrybynda ashyq dıalog ótedi.

11.00-de Astana qalasy kommýnıkatsııalar qyzmetinde «Elordany gazben qamtý jumystary týraly» taqyrybynda onlaın brıfıng ótedi. Spıker: Astana qalasynyń Otyn-energetıkalyq kesheni jáne kommýnaldyq sharýashylyq basqarmasy otyn-energetıkalyq resýrstar bóliminiń basshysy Maqsat Esmaǵulov. Onlaın baspasóz konferentsııasy «Astana qalasy kommýnıkatsııalar qyzmetiniń» Facebook-tegi facebook.com/rsk.astana01 jáne Instagram-daǵy instagram.com/rsk.astana resmı paraqshalarynda tikeleı efırde ótedi.

12.00-de QR Prezıdenti janyndaǵy Ortalyq kommýnıkatsııalar qyzmetinde «Aqtóbe oblysynyń áleýmettik-ekonomıkalyq damýy týraly» baspasóz máslıhaty ótedi. Spıker: Aqtóbe oblysynyń ákimi Toǵjanov Eraly Luqpanuly. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz

14.00-de Májiliste Úkimet saǵaty ótedi. Taqyryby: «Memleket basshysy Q.K. Toqaevtyń 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn iske asyrý sheńberinde «Ǵylymdy damytý týraly». Baıandamashy – Ǵylym jáne joǵary bilim mınıstri Saıasat Nurbek. Otyrys Májilistiń saıtynda jáne YouTube jelisinde kórsetiledi.

16.00-de Astana qalasy máslıhatynyń turaqty komıssııalarynyń zańdylyq, quqyq tártibi jáne jurtshylyqpen jumys máseleleri jónindegi jáne áleýmettik-mádenı damý máseleleri boıynsha birlesken otyrysy ótedi.

19.00-de QR Ulttyq áskerı-patrıottyq ortalyǵynda Erkeǵalı Rahmadıev atyndaǵy Memlekettik akademııalyq fılarmonııa men «Saryarqa» halyq mýzykasy ansambli «Ór Altaı» kontserttik baǵdarlamasyn usynady.