17 qyrkúıek kúni Las-Vegasta Golovkın - Alvares aıqasy ótedi
05:25, 07 Qyrkúıek 2017
ASTANA. QazAqparat - On kúnen keıin Las-Vegastaǵy T-Mobile Arena alańynda orta salmaqtaǵy úlken jekpe-jek ótedi, dep habarlaıdy Sports.kz.
16 qyrkúıekte Gennadıı Golovkın meksıkalyq boksshy Saýl Alvarespen judyryqtasady. Osy jekpe-jekte Alvares GGG-diń tek eki ataǵy - WBA men IBF belbeýleri úshin ǵana talasady. Golovkın utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady. Al qazaqstandyq boksshy jeńiske jetse, tórt belbeýine taǵy The Ring jýrnalynyń arnaıy belbeýin qosyp alady. Atalǵan basylym ony arnaıy Alvares úshin shyǵarǵan bolatyn.
Ýaqyt aıyrmashylyǵyna baılanysty Qazaqstanda jekpe-jektiń tikeleı kórsetilimi 17 qyrkúıek kúni tańerteń kórsetiledi.