17 qazan. Tulǵalar týǵan kún

ASTANA. QazAqparat – QazAqparat 17 qazanǵa arnalǵan «Tulǵalar týǵan kún» kúntizbesin usynady.

ESІMDER

66 jyl buryn (1956) QR Parlamenti Senatynyń depýtaty, Qarjy jáne bıýdjet komıtetiniń múshesi Ǵumar Islıamuly DÚISEMBAEV dúnıege keldi.

Batys Qazaqstan oblysynda týǵan. Batys Qazaqstan Aýyl sharýashylyǵy ınstıtýtyn, Eńbek jáne áleýmettik qatynastar akademııasyn bitirgen. Injener-mehanık, zańger-quqyqtanýshy. Batys Qazaqstan oblysy Bórli aýdanynyń ákimi, Batys Qazaqstan oblysy ákiminiń orynbasary, birinshi orynbasary, Atyraý oblysy ákiminiń birinshi orynbasary bolyp qyzmet atqardy.

Qazirgi qyzmetinde 2017 jyldyń shildesinen beri.

«Qurmet» ordenimen marapattalǵan.

52 jyl buryn (1970) qazaq estrada jáne opera ánshisi Tolqyn Toqtaýbaıqyzy ZABIROVA dúnıege keldi.

Shyǵys Qazaqstan oblysynyń Aıagóz qalasynda týǵan. Qurmanǵazy atyndaǵy Almaty memlekettik konservatorııasyn (qazirgi Qurmanǵazy atyndaǵy Qazaq ulttyq konservatorııasy) jáne onyń aspırantýrasyn (2000) bitirgen. 1993-1995 jyldary - Jambyl atyndaǵy Qazaq memlekettik fılarmonııasynda qyzmet atqardy. 1995 jyldan qazirgi ýaqytqa deıin Qurmanǵazy atyndaǵy Qazaq ulttyq konservatorııasynyń vokaldyq óner kafedrasynda vokal-pedagogıka praktıka pániniń oqytýshysy. «ıAntarnyı soloveı» (Kalınıngrad qalasy, 1996), jáne «Álibek Dinishevtiń teatry» (Almaty qalasy, 1998) atty Halyqaralyq konkýrstardyń laýreaty. Sonymen qatar, birneshe Halyqaralyq estrada konkýrstarynyń laýreaty.

49 jyl buryn (1973) Aqtóbe qalasy ákimi orynbasary Sergeı Mıhaılovıch LI dúnıege keldi.

Reseı Federatsııasynyń Sankt-Peterbýrg joǵary áskerı komandalyq ýchılışesin quqyqtaný mamandyǵy boıynsha, Qazaq-Orys Halyqaralyq ýnıversıtetin esep jáne aýdıt mamandyǵy boıynsha aıaqtaǵan, zań ǵylymdarynyń kandıdaty.

Eńbek joly: Eńbek jolyn bank salasynda bastady. «Qazagroprombank» AQ Aqtóbe oblystyq fılıalynyń zań keńesshisi, «Kazkommertsbank» AAQ Aqtóbe fılıalynyń zań keńesshisi, Qazaqstan Respýblıkasynyń Ádilet mınıstrliginiń «Eńbek-Aqtóbe» RMK dırektory boldy. Salyq qyzmeti organdarynda: Aqtóbe oblysynyń salyq komıtetiniń quqyqtyq qamtamasyz etý bóliminiń bas mamany, bólim bastyǵy, Aqtóbe oblystyq salyq departamentiniń quqyqtyq qamtamasyz etý basqarmasynyń bastyǵy, Aqtóbe qalasy boıynsha salyq basqarmasynyń bastyǵy qyzmetin atqardy. Ádilet organdarynda: Aqtóbe oblysy sot aktilerin oryndaý departamentin basqardy jáne Qazaqstan Respýblıkasy ádilet mınıstrliginiń sot aktilerin oryndaý Komıteti tóraǵasynyń orynbasary laýazymyn atqardy. Qazaqstan Respýblıkasynyń ishki áskerlerinde qyzmet etti.

49 jyl buryn (1973) Qazaqstan Respýblıkasy Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń Ulttyq saraptama ortalyǵynyń basqarma tóraǵasy Erlan Ańsaǵanuly QIıASOV dúnıege keldi.

Almaty qalasynda týǵan. Qazaq memlekettik medıtsına ýnıversıtetin sanıtarııa, gıgıena, epıdemıologııa (1997), Ortalyq Azııa ýnıversıtetin qarjy jáne nesıe (2005) jáne Ál-Farabı atyndaǵy Qazaq ulttyq ýnıversıtetin ekonomıka jáne bıznes mamandyǵy boıynsha támamdaǵan (2018).

Eńbek joly: «Almaty qalasynyń Jedel medıtsınalyq járdem aýrýhanasy» qarqyndy terapııa reanımatsııa bólimshesiniń sanıtary (1990-1991); Almaty qalasyndaǵy QR áýe kóligindegi ortalyq sanıtarlyq-epıdemıologııalyq stantsııasynyń sanıtarlyq dárigeri, dáriger-epıdemıology (1997-1999); QR Prezıdenti Іs Basqarmasynyń Medıtsınalyq ortalyǵynyń qurylymynda – Sanıtarlyq-epıdemıologııalyq stantsııada jalpy gıgıena boıynsha sanıtarlyq dáriger, jedel bólim meńgerýshisi, Sanepıdqadaǵalaý basqarmasynyń epıdemıologııalyq bóliminiń bastyǵy, «Sanıtarlyq-epıdemıologııalyq saraptama ortalyǵy» RMK dırektory, basshynyń orynbasary (1999-2020). QR Densaýlyq saqtaý vıtse-mınıstri – Bas memlekettik sanıtar dáriger (2020-2022).

Qazirgi qyzmetinde – 2023 jyldyń tamyz aıynan bastap.