17 qazan. Tulǵalar týǵan kún
ESІMDER
54 jyl buryn (1970) qazaq estrada jáne opera ánshisi Tolqyn Toqtaýbaıqyzy ZABIROVA dúnıege keldi.
Shyǵys Qazaqstan oblysynyń Aıagóz qalasynda týǵan. Qurmanǵazy atyndaǵy Almaty memlekettik konservatorııasyn (qazirgi Qurmanǵazy atyndaǵy Qazaq ulttyq konservatorııasy) jáne onyń aspırantýrasyn bitirgen.
Eńbek joly: 1993-1995 jyldary Jambyl atyndaǵy Qazaq memlekettik fılarmonııasynda qyzmet atqardy. 1995 jyldan qazirgi ýaqytqa deıin – Qurmanǵazy atyndaǵy Qazaq ulttyq konservatorııasynyń vokaldyq óner kafedrasynda vokal-pedagogıka praktıka pániniń oqytýshysy.
«ıAntarnyı soloveı» (Kalınıngrad qalasy, 1996) jáne «Álibek Dinishevtiń teatry» (Almaty qalasy, 1998) atty Halyqaralyq konkýrstardyń laýreaty. Sonymen qatar, birneshe Halyqaralyq estrada baıqaýlarynyń laýreaty.
51 jyl buryn (1973) «QazExpoCongress» UK» AQ basqarma tóraǵasynyń orynbasary Sergeı Mıhaılovıch LI dúnıege keldi.
Reseı Federatsııasynyń Sankt-Peterbýrg joǵary áskerı komandalyq ýchılışesin quqyqtaný mamandyǵy boıynsha, Qazaq-Orys Halyqaralyq ýnıversıtetin esep jáne aýdıt mamandyǵy boıynsha aıaqtaǵan, zań ǵylymdarynyń kandıdaty.
Eńbek jolyn bank salasynda bastady. «Qazagroprombank» AQ Aqtóbe oblystyq fılıalynyń zań keńesshisi, «Kazkommertsbank» AAQ Aqtóbe fılıalynyń zań keńesshisi, Qazaqstan Respýblıkasynyń Ádilet mınıstrliginiń «Eńbek-Aqtóbe» RMK dırektory boldy. Aqtóbe oblysynyń salyq komıtetiniń quqyqtyq qamtamasyz etý bóliminiń bas mamany, bólim bastyǵy, Aqtóbe oblystyq salyq departamentiniń quqyqtyq qamtamasyz etý basqarmasynyń bastyǵy, Aqtóbe qalasy boıynsha salyq basqarmasynyń bastyǵy qyzmetin atqardy. Aqtóbe oblysy sot aktilerin oryndaý departamentin basqardy jáne Qazaqstan Respýblıkasy ádilet mınıstrliginiń sot aktilerin oryndaý Komıteti tóraǵasynyń orynbasary laýazymyn atqardy. Qazaqstan Respýblıkasynyń ishki áskerlerinde qyzmet etti.
2024 jyldyń tamyz aıynan bastap qazirgi qyzmetinde.
51 jyl buryn (1973) Qazaqstan Respýblıkasy Densaýlyq saqtaý mınıstrligi Sanıtarlyq-epıdemıologııalyq baqylaý komıteti Ulttyq saraptama ortalyǵy basqarmasynyń tóraǵasy Erlan Ańsaǵanuly QIıASOV dúnıege keldi.
Almaty qalasynda týǵan. Qazaq memlekettik medıtsına ýnıversıtetin sanıtarııa, gıgıena, epıdemıologııa mamandyǵy boıynsha bitirgen (1997); Ortalyq Azııa ýnıversıteti, Qarjy jáne nesıe mamandyǵy (2005); Ál-Farabı atyndaǵy Qazaq ulttyq ýnıversıtetiniń ekonomıka jáne bıznes magıstri (2018 j.).
Eńbek joly: Almaty qalalyq jedel járdem aýrýhanasynyń jansaqtaý bóliminde medbıke (1990-1991); Balalar men jasóspirimder gıgıenasy, kommýnaldyq gıgıena, eńbek gıgıenasy, tamaq gıgıenasy bóliminiń sanıtarlyq dárigeri, Qazaqstan Respýblıkasy Áýe kóligindegi Ortalyq sanıtarlyq-epıdemıologııalyq stansasynyń sanıtarlyq-karantındik pýnktiniń dáriger-epıdemıology, Almaty (1997 j.) 1999); QR IDP MK Sanepıdstantsııasynda jalpy gıgıena boıynsha sanıtarlyq dáriger (1999-2000); Almaty qalasy boıynsha QR IDP MK sanıtarlyq-epıdemıologııalyq stantsııasynyń jedel bóliminiń bastyǵy (2000-2003); QR PDP MK sanıtarlyq-epıdemıologııalyq qadaǵalaý basqarmasynyń epıdemıologııalyq bóliminiń bastyǵy (2004-2006); Qazaqstan Respýblıkasy Prezıdenti Ákimshiliginiń Medıtsınalyq ortalyǵynyń «Sanıtarlyq-epıdemıologııalyq saraptama ortalyǵy» RMK dırektory (2006-2020); Qazaqstan Respýblıkasy Prezıdenti Ákimshiliginiń Medıtsınalyq ortalyǵy basshysynyń orynbasary (2020); Qazaqstan Respýblıkasy Densaýlyq saqtaý vıtse-mınıstri – Qazaqstan Respýblıkasynyń Bas memlekettik sanıtarlyq dárigeri (2020-2022).
2022 jyldyń tamyz aıynan bastap qazirgi qyzmetinde.
49 jyl buryn (1975) «Kaspi.kz» AQ basqarma tóraǵasy, dırektorlar keńesiniń múshesi Mıhaıl Nýgzarovıch LOMTADZE dúnıege keldi.
Grýzııa Respýblıkasy, Tbılısı qalasynda týǵan. Eýropa menedjment mektebin bitirgen, BBA dárejesi, Grýzııa (1997); Garvard bıznes mektebin bitirgen (2002).
Eńbek joly: seriktestermen birge qurylǵan GCG Audit konsaltıngtik kompanııasynyń menedjeri, Grýzııa (2002); Baring Vostok jeke úlestik qorynyń ınvestıtsııalyq jobasynyń jetekshisi (2002-2007); «Kaspi Bank» AQ basqarma tóraǵasy (2007-2018); «Kaspi.kz» AQ (burynǵy «Kaspi» AQ) Dırektorlar keńesiniń tóraǵasy (2015-2018); «Kaspi.kz» AQ Dırektorlar keńesiniń múshesi (2015 j. bastap); «Kaspi.kz» AQ basqarma tóraǵasy (2018 jyldyń 30 qarashasynan bastap).
ІІ dárejeli «Dostyq» ordenimen marapattalǵan (2021).
43 jyl buryn (1981) Qazaqstan Respýblıkasy Energetıka vıtse-mınıstri Álibek Jumabekuly JAMAÝOV dúnıege keldi.
Atyraý qalasynda dúnıege kelgen. S. Demırel atyndaǵy ýnıversıtetti, Q. Sátpaev atyndaǵy Qazaq ulttyq tehnıkalyq ýnıversıtetin bitirgen.
Eńbek jolyn 2005 jyly Agip Kazakhstan Caspian Operating kompanııasynyń kishi keńesshisi bolyp bastaǵan. 2006-2009 jyldary Agip Kazakhstan Caspian Operating kompanııasynyń keńesshisi, sýpervaızeri. 2009-2015 jyldary «Jambyl Petroleým» JShS menedjeri. 2015-2019 jyldary «Jambyl Petroleým» JShS atqarýshy dırektory. 2019-2020 jyldary «PSA» JShS tehnıkalyq tobynyń basshysy. 2020-2023 jyldary «PSA» JShS bas dırektorynyń orynbasary bolyp jumys istedi.
2023 jyldyń shilde aıynan bastap qazirgi qyzmetinde.