17 qańtar. Tulǵalar týǵan kún
ESІMDER
72 jyl buryn (1952) memleket jáne qoǵam qaıratkeri, «Qazaqstannyń Ekologııalyq uıymdarynyń qaýymdastyǵy» ZTB Basqarma tóraıymy Aıgúl Saǵadybekqyzy SOLOVЬEVA dúnıege keldi.
Almaty oblysy Jambyl aýdany Qarǵaly aýylynda týǵan.
S.M.Kırov atyndaǵy Qazaq memlekettik ýnıversıtetiniń hımııa fakýltetin (1975) hımık mamandyǵy boıynsha; Qurylys materıaldary ǵylymı-zertteý ınstıtýtynyń aspırantýrasyn (1985) «Nashar balqıtyn jáne metall emes materıaldar tehnologııasy» mamandyǵy boıynsha bitirgen. Tehnıka ǵylymdarynyń kandıdaty (1986).
1975-1979 jyldary QazKSR GA Hımııa ǵylymdary ınstıtýty totyqqan eritindiler zerthanasynyń aǵa laboranty, ınjeneri, aǵa ınjeneri, 1979-1993 jyldary Stromproekt ǴZI, sılıkattardyń fızıkalyq-hımııa zerthanasynyń kishi, aǵa, jetekshi ǵylymı qyzmetkeri; «Baıaý balqıtyn jáne metall emes materıaldar tehnologııasy» mamandyǵy boıynsha Kandıdattyq jáne doktorlyq keńesiniń ǵylymı hatshysy, 1993-2007 jyldary «Bazalt-Int» JShS-nyń bas dırektory, 1983 - 1987 jyldary Qazaqstannyń LKJO OK janyndaǵy Jas ǵalymdar men mamandar keńesiniń Respýblıkalyq ǵylymı - tehnıkalyq komıtetiniń tóraıymy qyzmetin atqardy. 1998-2002 jyldary Qazaqstannyń Іsker áıelder qaýymdastyǵynyń Atyraýdaǵy fılıalynyń tóraıymy, 2000-2003 jyldary Qazaqstan Sút jáne sút ónimderin óndirýshiler qaýymdastyǵynyń tóraıymy, 2003-2006 jyldary Qazaqstan Sút Odaǵynyń teń tóraıymy; 2005 jyldan bastap «Atameken» QUEP» Úılestirý keńesiniń múshesi. 2006 jyldan bastap «Qazaqstan Azamattyq Alıansynyń» Úılestirý keńesiniń tóraıymy qyzmetinde boldy.
2007-2011 jyldary tórtinshi saılanǵan QR Parlamenti Májilisiniń depýtaty, 2012-2016 jyldary besinshi saılanǵan QR Parlamenti Májilisiniń depýtaty boldy. «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan. 2016 jyldan bastap - «Aımaq» jergilikti ózin-ózi basqarýdy óńirlik damytýǵa járdemdesý qory» ZTB prezıdenti.
Qazirgi qyzmetinde – 2017 jyldan bastap.
«Eren eńbegi úshin» medalimen, «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Parlamentine 10 jyl», «Qazaqstan Respýblıkasynyń Táýelsizdigine 20 jyl» merekelik medaldarymen, «Qurmet» ordenimen marapattalǵan.
68 jyl buryn (1956) VIII saılanǵan Qazaqstan Respýblıkasy Parlamenti Májilisiniń Áleýmettik-mádenı damý komıtetiniń múshesi Qudaıbergen BEKSULTANOV dúnıege keldi.
Qaraǵandy oblysy Nura aýdany Shahter sovhozynda dúnıege kelgen. 1993 jyly Qaraǵandy memlekettik ýnıversıtetin tarıh jáne áleýmettik-saıası pánderdiń oqytýshysy mamandyǵy boıynsha támamdady. Sondaı-aq Qaraǵandynyń «Bolashaq» ýnıversıtetinde «quqyqtaný» mamandyǵy boıynsha bilim alǵan.
Eńbek jolyn 1976 jyly 10-shy Qaraǵandy jol dıstantsııasy operatorynyń kómekshisi bolyp bastady. 1978 jyldan bastap kásibı-tehnıkalyq bilim berý júıesinde, onyń ishinde Qaraǵandy qalasynyń №26 KTM basshy qyzmetterin atqardy. 1999 jyly Qaraǵandy qalalyq máslıhatynyń hatshysy bolyp saılandy. 2011-2016 jyldary Qaraǵandy oblysy Nura aýdanynyń ákimi qyzmetinde boldy. 2016 jyly VI saılanǵan Qaraǵandy qalalyq máslıhatynyń hatshysy bolyp qyzmet atqarǵan.
Qazirgi qyzmetine 2023 jyldyń naýryz aıynda kiristi.
«Qurmet» ordenimen, mereıtoılyq medaldarmen marapattalǵan.
62 jyl buryn (1962) Aqmola oblysy Jarqaıyń aýdanynyń ákimi Janbolat Kamerıdanuly HAMITOV dúnıege keldi.
Torǵaı oblysynda týǵan. 2003 jyly M.Tynyshbaev atyndaǵy Qazaq kólik jáne kommýnıkatsııa akademııasyn ınjener-mehanık biliktiligi boıynsha bitirgen.
Eńbek jolyn 1983 jyldyń maýsym aıynda Torǵaı oblysy Qıma aýdandyq aýyl sharýashylyq tehnıkalary keńsharynda ınjener-tehnolog bolyp bastaǵan.1983-1991 jyldary óndiristik salada ártúrli laýazymdarda jumys istedi. 1991-1997 jyldary Arqalyq qalasyndaǵy Torǵaı oblystyq Agropromkomıtetiniń mamany bolyp qyzmet etti. 2004-2005 jyldary QR KKM Kóliktik baqylaý komıteti temirjol kóligindegi baqylaý basqarmasynyń bas mamany, 2006 jyldyń aqpanyna deıin QR KKM Kóliktik baqylaý basqarmasy bóliminiń bastyǵy bolyp jumys istedi.
2006-2007 jyldary Aqmola oblysy boıynsha kóliktik baqylaý basqarmasy bastyǵynyń orynbasary laýazymynda, 2009-2011 jyldary Soltústik Qazaqstan oblysy boıynsha kóliktik baqylaý basqarmasy bastyǵynyń orynbasary laýazymynda qyzmet atqardy. 2011-2012 jyldary Aqmola oblysy Atbasar aýdany Marınovka aýyldyq okrýginiń ákimi bolyp jumys istedi. 2012-2014 jyldary Atbasar aýdany ákiminiń orynbasary, 2017-2021 jyldary Aqmola oblysy boıynsha kóliktik baqylaý ınspektsııasynyń basshysy bolyp jumys istedi.
2021 jyldyń aqpan aıynan bastap 0azirgi qyzmetinde.
50 jyl buryn (1974) Qyzylorda oblysynyń veterınarııa basqarmasynyń basshysy Shahmardan Sultanbekuly QOIShYBAEV dúnıege keldi.
Qyzylorda oblysynda týǵan. Qazaqtyń Eńbek Qyzyl Tý ordeniniń memlekettik aýylsharýashylyǵy ınstıtýtyn «Ǵalym agronom», «Bolashaq» ýnıversıtetin «Ekonomıka» mamandyqtary boıynsha bitirgen.
Eńbek jolyn 1990 jyly Y.Jahaev atyndaǵy sharýa qojalyǵynyń jumysshycy retinde bastaǵan. 1996-2001 jyldary Y.Jahaev atyndaǵy kolhozynyń agronomy, «Shahmardan» sharýa qojalyǵynyń tóraǵasy, 2001-2005 jyldary Shıeli aýdany ákimi apparatynyń uıymdastyrý-baqylaý jáne kadr jumysy bóliminiń jetekshi mamany, 2005-2010 jyldary Qyzylorda oblysynyń aýyl sharýashylyǵy basqarmasynyń bólim basshysy, Qyzylorda oblysy ákimi apparatynyń uıymdastyrý-ınspektorlyq jumys jáne aımaqtyq damý bóliminiń bas ınspektory bolyp jumys atqardy.
2010-2012 jyldary Qazaly aýdany ákiminiń orynbasary, Qyzylorda oblysy Aýyl sharýashylyǵy basqarmasy bastyǵynyń orynbasary, 2012-2020 jyldary Qyzylorda oblysynyń Jer qatynastary basqarmasynyń basshysy, 2020-2021 jyldary Aýyl sharýashylyǵy basqarmasynyń basshysy bolyp qyzmet atqardy.
Qazirgi qyzmetin 2021 jyldyń mamyr aıynan beri atqaryp keledi.
45 jyl buryn (1979) Qazaqstan Respýblıkasy Energetıka mınıstrliginiń «Kapıtalmunaıgaz» RMM basshysy Marat Qalmuhameduly ÁBІShEV dúnıege keldi.
Almaty qalasynda dúnıege kelgen. Qazaq memlekettik zań akademııasyn Zańger mamandyǵy boıynsha bitirgen, University of Sheffield, LLM, Corporate and Commercial Law.
Eńbek jolyn Qazaqstan naryqtary men kásipkerleri qaýymdastyǵynyń zańgeri bolyp bastaǵan. 2004-2005 jyldary QR Qarjy mınıstrligi Salyq komıtetiniń №1 Óńiraralyq Salyq komıtetiniń uıymdastyrý-quqyqtyq jumys basqarmasynda jumys istedi. 2005-2011 jyldary QR Ádilet mınıstrliginiń Tirkeý qyzmeti jáne quqyqtyq kómek kórsetý komıtetinde ártúrli laýazymdarda jumys istedi. 2011-2015 jyldary «Pavlodar» áleýmettik-kásipkerlik korporatsııasy «Ulttyq kompanııasy» AQ Quqyqtyq qamtamasyz etý jáne satyp alý departamentiniń dırektory. Qoǵam basqarmasynyń Múshesi.
2016 jyly «Oral» áleýmettik-kásipkerlik korporatsııasy «Ulttyq kompanııasy» AQ Basqarma tóraǵasynyń orynbasary. Qoǵam basqarmasynyń múshesi. 2017-2020 jyldary «Atyraý Áleýmettik-kásipkerlik korporatsııasy «Ulttyq kompanııasy» AQ basqarma tóraǵasynyń orynbasary. Qoǵam basqarmasynyń múshesi.
Qazirgi qyzmetin 2020 jylǵy 22 maýsymnan bastap atqaryp keledi.
87 jyl buryn (1937-2014) jazýshy, onnan astam povest pen áńgimeler jınaǵynyń avtory, Qazaqstan Jazýshylar odaǵynyń múshesi Engels Ǵabbasuly ǴABBASOV dúnıege keldi.
Batys Qazaqstan oblysyndaǵy Jalpaqtal aýdanynda týǵan. Fılologııa ǵylymynyń kandıdaty (1976), dotsent (1978). Oral pedagogıka ınstıtýtynyń orys tili men ádebıeti fakýltetin (1957), Almaty joǵary partııa mektebin (1966), KOKP OK janyndaǵy Qoǵamdyq ǵylymdar akademııasynyń aspırantýrasyn (1976) bitirgen. 1957-1968 jyldary muǵalim, komsomol jumysynda, 1966 jyldan Oral oblystyq partııa komıtetinde jaýapty qyzmette boldy. 1996 jyly QR Parlamentiniń depýtaty bolyp saılandy. «Qart shopan» atty alǵashqy áńgimesi «Prostor» jýrnalynda (1965) jarııalandy. Shyǵarmalaryn orys tilinde jazǵan.