17 densaýlyq saqtaý nysanynda jylý berý maýsymyna daıyndyq baıaý - S. Nokın

ASTANA. 24 qyrkúıek. QazAqparat - Respýblıka boıynsha 17 densaýlyq saqtaý nysanynda jylý berý maýsymyna daıyndyq jumystary aıaqtalǵan joq.

Bul týraly búgin Úkimet otyrysynda QR Óńirlik damý vıtse-mınıstri Serik Nokın málim etti. Onyń atap ótýinshe, aǵymdaǵy jyldyń 20 qańtaryndaǵy ahýalǵa oraı 9867 bilim berý nysany, 6613 densaýlyq saqtaý nysany, 36834 turǵyn úı jylý berý maýsymyna daıyn. «17 densaýlyq saqtaý nysany boıynsha daıyndyq jumystary aıaqtalǵan joq. Olar Ońtústik Qazaqstan oblysynda - 8, Shyǵys Qazaqstanda - 5, Mańǵystaýda - 2 jáne Astanada - 2 nysan. Ákimdikterge densaýlyq saqtaý jáne bilim berý nysandarynyń daıyndyǵyna nazar aýdarýy ári densaýdyq saqtaý jáne bilim jáne ǵylym mınıstrlikterimen birlesip aıaqtalmaǵan nysandardy daıyndaýdy qamtamasyz etýi qajet»,-dedi ol. Onyń atap ótýinshe, kóppáterli turǵyn úılerdiń daıyndyq deńgeıi Shyǵys Qazaqstan, Batys Qazaqstan jáne Ońtústik Qazaqstan oblystarynda 90 paıyzdyq deńgeıge jetken joq. «Ákimdikter turǵyn úılerdiń jylý berý maýsymyna daıyndyqty aıaqtaýdy jáne bekitilgen kestege sáıkes nysandardy ortalyqtandyrylǵan jylý berý júıesine qosýdy baqylaýǵa alýy kerek»,-dedi vıtse-mınıstr.