17 aqpan. Tulǵalar týǵan kún
ESІMDER
65 jyl buryn (1959) Qazaqstan Respýblıkasy Qarýly kúshteri joǵary qolbasshylyǵynyń ókili, general-maıor Bolat Isataıuly QYRǴYZBAEV dúnıege keldi.
F.E.Dzerjınskıı atyndaǵy KSRO Mınıstrler Keńesi janyndaǵy MQK Joǵary shekaralyq komandalyq ýchılışesin (1980); M.V. Frýnze atyndaǵy Áskerı akademııany (1992) bitirgen.
Eńbek joly: 2008-2011 jyldary KSRO MQK Qyzyl Týly Shyǵys shekara okrýginde jáne QR UQK shekara qyzmetinde túrli laýazymdarda, QR UQK shekara qyzmeti barlaý bas basqarmasynyń bastyǵy, QRUlttyq qaýipsizdik komıteti tóraǵasynyń orynbasary – shekara qyzmetiniń dırektory bolyp qyzmet atqarǵan. 2011-2012 jyldary UQK Akademııasy bastyǵynyń kadrlar jónindegi orynbasary, 2012-2016 jyldary «QazTransOıl» AQ qaýipsizdik jónindegi bas dırektorynyń keńesshisi, 2016-2018 jyldary «QazTransOıl» AQ ombýdsmeni qyzmetinde boldy. 2018 jyldan «QazTransOıl» AQ Qaztehnologııa» basqarma tóraǵasy qyzmetin atqaryp keledi.
6 vedomstvolyq nagradamen, Qazaqstan Respýblıkasynyń, Aýǵanstan Respýblıkasynyń 12 medalimen marapattalǵan.
53 jyl buryn (1971) Shyǵys Qazaqstan oblysy boıynsha Qylmystyq-atqarý júıesi departamentiniń basshysy Janbolat Amanuly QALETAEV dúnıege keldi.
Shyǵys Qazaqstan oblysynyń týmasy. 1995 jyly S.Amanjolov atyndaǵy Shyǵys Qazaqstan memlekettik ýnıversıtetin, 2002 jyly Ortalyq Azııa ýnıversıtetin bitirgen.
Іshki ister organdarynda 1994 jyldan beri qyzmet etedi, óńirlik polıtsııa departamentiniń bólinisterinde biraz jyldary basshylyq laýazymdarda bolǵan. 2019-2021 jyldary Shyǵys Qazaqstan oblysy polıtsııa departamenti bastyǵynyń birinshi orynbasary bolyp qyzmet atqarǵan.
Qazirgi laýazymyn 2021 jyldyń qańtar aıynan bastap atqaryp keledi.
52 jyl buryn (1972) Qazaqstan Respýblıkasynyń bokstan eńbek sińirgen sport sheberi Nurjan Diniqululy SMANOV dúnıege keldi.
Ońtústik Qazaqstan oblysy Saryaǵash aýdany Abaı aýylynda týǵan. 2008 jyly Shymkent áleýmettik-pedogogıkalyq ýnıversıtetinde dene shynyqtyrý jáne sport mamandyǵy boıynsha bitirip, dene shynyqtyrý jáne sport biliktiligi jáne bakalavr akademııalyq dárejesi berilgen. 1998 jyly Q.A. ıAsaýı atyndaǵy Halyqaralyq qazaq-túrik ýnıversıtetinde quqyqtaný mamandyǵyn bitirip, zańger biliktiligin alǵan. 1989 jyly Qazaq hımııa-tehnologııalyq ınstıtýtyna oqýǵa túsken, 1994 jyly ınjener-ekonomıst mamandyǵy boıynsha bitirgen.
Eńbek jolyn 1994 jyly QR týrızm jáne sport mınıstrliginde sporttan nusqaýshy bolyp bastaǵan. 1997-2000 jyldary «Dınamo» saýyqtyrý sport kesheninde sporttan ınspektor bolyp istegen. Ońtústik Qazaqstan oblysynyń Іshki Іster bas basqarma polıtsııasynyń aǵa leıtenanty, sondaı-aq OQO keshendi joǵary sport sheberligi mektebiniń jattyqtyrýshy-oqytýshy bolyp qyzmet atqarǵan. 2000-2008 jyldary ShF «Kazkommertsbank» AQ-nyń qaýipsizdik bóliminiń ınkassatsııa qyzmetiniń bastyǵy boldy.
1987 jyly 15 jasta bokstan Keńes Odaǵynyń Chempıony jáne KSRO sport sheberin alǵan. 18 jasynda Eýropa Chempıony, Eýropanyń «Úzdik bokseri» atanǵan. 1988 jyly Halyqaralyq dárejedegi KSRO sport sheberi, 1995 jyly «Qazaqstan Respýblıkasynyń eńbegi sińgen sport sheberi» ataǵyn alǵan. Halyqaralyq arenada sporttan eleýli jetistikterge jetip, el namysyn qorǵap, talaı-talaı Qazaqstan Respýblıkasynyń án uranyn shyrqatyp, týyn jelbiretken. Qazaqstannyń 6 dúrkin chempıony, KSRO-nyń 4 dúrkin chempıony, Azııa jáne Azııa oıyndarynyń 2 dúrkin chempıony, Eýropa chempıony, Álem chempıonatynyń kúmis jáne qola júldegeri. Altyn belbeý ıegeri. 1996 jyly Atlantada (SShA) ótken Olımpıada oıyndarynyń qatysýshysy (5-oryn). Qazaqstan qurama komandasyn basqaryp, 5 jyl ulttyq qurama komandasynyń kapıtany bolǵan. Sport mansabynda 52 medal utyp alǵan. Onyń ishinde: 35 altyn, 9 kúmis, 8 qola medal ıegeri.
50 jyl buryn (1974) Ulytaý oblystyq sotynyń azamattyq ister jónindegi sot alqasynyń tóraǵasy Janbolat Bektursynuly ShORTANBAEV dúnıege keldi.
Qaraǵandy oblysy Aqtoǵaı aýdanyndaǵy Aqtoǵaı aýylynda dúnıege kelgen. 1996 jyly Qaraǵandy polıtehnıkalyq ınstıtýtynyń Jezqazǵan fılıalynyń taý-ken fakýltetin bitirgen, mamandyǵy boıynsha ınjener-ekonomıst. 2000 jyly Qaraǵandy memlekettik ýnıversıtetiniń zań fakýltetin bitirgen.
Eńbek joly: 1996-1998 jyldary «Jezqazǵan – ken» AQ ekonomısi, 1999 jyly Qaraǵandy oblysy boıynsha kóliktik baqylaý basqarmasynyń Jezqazǵan aýdanaralyq kóliktegi jáne avtojoldardaǵy baqylaý bóliminiń bas mamany, 2000 jyly QR Bas prokýratýrasy janyndaǵy «Aqparat» respýblıkalyq memlekettik kásiporny «Aqparat Qaraǵandy» enshiles memlekettik kásipornynyń mamany, 2000-2005 jyldary Qaraǵandy oblysy Jezqazǵan qalasy prokýrorynyń aǵa kómekshisi qyzmetin atqarǵan. 2005-2013 jyldary Jezqazǵan qalalyq sotynyń sýdıasy boldy. 2013-2018 jyldary Qaraǵandy oblysy Temirtaý qalasynyń mamandandyrylǵan ákimshilik sotynyń tóraǵasy qyzmetin atqarǵan. 2018-2022 jyldary Qaraǵandy oblysy Jezqazǵan qalalyq sotynyń tóraǵasy boldy.
2022 jyldan bastap qazirgi qyzmetinde.
42 jyl buryn (1982) Qazaqstan Respýblıkasy Memlekettik kúzet qyzmeti bastyǵynyń orynbasary – Qazaqstan Respýblıkasy Prezıdentiniń Kúzet qyzmetiniń bastyǵy Roman Almahanqly TÓREHANOV dúnıege keldi.
Túrkistan qalasynda týǵan. 2002 jyly Q.A.ıAsaýı atyndaǵy Halyqaralyq qazaq-túrik ýnıversıtetiniń zań fakýltetin, 2004 jyly Q.A.ıAsaýıdiń atyndaǵy Halyqaralyq qazaq-túrik ýnıversıtetiniń quqyqtaný mamandyǵy boıynsha magıstratýrasyn bitirgen.
Eńbek joly: 2003-2005 jyldary Túrkistan qalasy olımpıadalyq rezerv mektebiniń jattyqtyrýshysy boldy. Qazaqstan Respýblıkasy Memlekettik kúzet qyzmetinde ártúrli ofıtserlik jáne basshylyq laýazymdar atqarǵan, QR Prezıdentiniń Kúzet qyzmeti basshysynyń orynbasary boldy.
Sporttyq jetistikteri: sambodan halyqaralyq dárejedegi sport sheberi (2000); sambodan 2000, 2002 jyldary Azııa chempıony, sambodan álem chempıonatynyń júldegeri (2002). Qazaqsha kúresten halyqaralyq dárejedegi sport sheberi (2003 j. Azııa chempıony); dzıýdodan sport sheberi (2004); qoıan-qoltyq urystan sport sheberi (2008); «Oqqaǵar» kópsaıys boıynsha sport sheberi (2009); brazılııalyq djıý-djıtsýdan halyqaralyq dárejedegi sport sheberi (2016 j.); djıý-djıtsýdan 94 kg salmaqta jáne absolıýtti kategorııada 2 dúrkin álem chempıony; Grelıng kúresinen halyqaralyq dárejedegi sport sheberi (2017 jyly 3 dúrkin álem chempıony, 2023 jyly eki ret); karabın, tapansha, tapansha-pýlemetten praktıkalyq atýdan sport sheberi (QR 7 dúrkin chempıony, halyqaralyq týrnırlerdiń jeńimpazy, 2015-2017 jj.).
2024 jyldyń aqpanynan beri qazirgi qyzmetinde.
40 jyl buryn (1984) Qazaqstan Respýblıkasy Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıteti tóraǵasynyń orynbasary Oljas Ádiluly ÁLІBEKOV dúnıege keldi.
Qaraǵandy oblysynda týǵan. 2007 jyly Qazaq-Brıtan tehnıkalyq ýnıversıtetin Eseptik tehnıkamen jelilik bagdarlamalar jáne apparattyq qamtamasyz etý" mamandyǵy boıynsha támamdasa, 2010 jyly T. Rysqulov atyndaǵy Qazaq ekonomıkalyq ýnıversıtetin «Ekonomıka jáne bıznes» mamandyǵy boıynsha bitirgen.
Eńbek jolyn 2007 jyly «SEE Avtomatıka» JShS avtomattandyrý jónindegi ınjeneri bolyp bastaǵan. 2010-2014 jyldary «QazaqEnergoSaraptama» AQ ortalyq apparatynyń strategııalyq taldaý basqarmasynyń menedjeri bolyp jumys istedi, keıinnen energııa únemdeý jáne energııa tıimdiligi departamentiniń dırektory qyzmetine taǵaıyndaldy. 2014-2017 jyldary QR Investıtsııalar jáne damý mınıstrligi Indýstrııalyq damý jáne ónerkásiptik qaýipsizdik komıtetiniń energııa únemdeý jáne energııa tıimdiligin arttyrý basqarmasynyń basshysy laýazymynda eńbek etti. 2017-2020 jyldary «Elektr energetıkasyn damytý jáne energııa únemdeý ınstıtýty (Qazaqenergııasaraptama)» AQ Basqarma tóraǵasynyń orynbasary qyzmetin atqardy.
Qazirgi laýazymyn 2020 jyldyń aqpan aıynan bastap atqaryp keledi.
93 jyl buryn (1931-1992) tarıh ǵylymdarynyń doktory, Qazaqstan Respýblıkasy Ǵylym akademııasynyń akademıgi, Qazaqstan Respýblıkasy Ǵylym akademııasy Shoqan Ýálıhanov atyndaǵy syılyǵynyń laýreaty Ramazan Bımashuly SÚLEIMENOV dúnıege keldi.
Burynǵy Aqmola, qazirgi Astana qalasynda týǵan. S.M. Kırov atyndaǵy Qazaq memlekettik ýnıversıtetin (qazirgi Ál-Farabı atyndaǵy Qazaq ulttyq ýnıversıteti), Qazaqstan Respýblıkasy Ǵylym akademııasy Tarıh, arheologııa jáne etnografııa ınstıtýtynyń aspırantýarsyn bitirgen.
Eńbek joly: 1959-1988 jyldary QR Ǵylym akademııasy Tarıh, arheologııa jánee etnografııa ınstıtýtynyń kishi, aǵa ǵylymı qyzmetkeri, bólim meńgerýshisi, dırektorynyń orynbasary, dırektory, 1986-1992 jyldary QR Ǵylym akademııasy Qoǵamdyq ǵylymdar bólimshesiniń akademık-hatshysy, 1992 jyly QR Ǵylym akademııasynyń Uıǵyrtaný ınstıtýty janyndaǵy Shyǵystaný ortalyǵynyń jetekshisi qyzmetterin atqarǵan.
Birneshe kitaptyń avtory, 240-tan astam ǵylymı eńbekteri jarııalanǵan. Qazaq KSR Joǵarǵy Keńesiniń Qurmet gramotasymen, medalmen marapattalǵan.