164 myń jasotandyq latyn qarpine kóshýdi qoldaıdy - Súndetbaev
«Barshamyzǵa belgili, Elbasy «Bolashaqqa baǵdar: rýhanı jańǵyrý» atty baǵdarlamalyq maqalasynda latyn qarpine aýysýdy maqsat etip aıqyndap bergen bolatyn. Latyn álipbıine aýysý elimizdiń álemdik arenadaǵy básekege qabilettigin arttyra otyryp, úsh tildilikke kóshý úrdisin jyldamdatady. Sonymen qatar, latyn qarpin qoldaný qazaq tiliniń mártebesin kóterip, tabıǵı taza qalpynyń saqtalýyna múmkindik beredi», - dedi Danııar Súndetbaev.
Jas Otan» jastar qanatynyń tóraǵasy latynnyń ǵylym men tehnıkanyń tili ekendigin atap aıtty. Latyn qarpine kóshý - zaman talaby. Kez-kelgen ınnovatsııalyq tehnologııa, kompıýter, smartfon men gadjetterdiń bastapqy programmalary latyn qarpimen jazylady. Fızıka, hımııa, matematıka, bıologııa, ekonomıka salalarynda qoldanylatyn formýlalar latyn qarpinde. Álem boıynsha kóp taralǵan jazba - latyn jazbasy, ony jer shary turǵyndarynyń 40%-y qoldanady.
«Aǵylshyn tilin meńgerýdiń arqasynda túgel jastar qazirgi tańda latyn qarpin tolyq biledi, jáne bul jańalyqty qýanyshpen qabyldaıdy. Osyǵan baılanysty 164 myń jasotandyq latyn qarpine aýysýdy qoldaı otyryp, bul úrdistiń ulttyq biregeıligimiz ben bolmysymyzdy saqtap qalýdyń birden bir negizi ekenin aıtamyz. Kúni keshe elimizdiń barlyq óńirine latyn qarpine kóshýdi qoldaıtyndyǵymyz týraly áleýmettik jeliler men aqparattyq portaldarda úndeý jarııalaǵan bolatynbyz. Ol elimizdiń barlyq jastar tarapynan qoldaý taýyp, áli de taralyp jatyr. Latyn qarpine kóshý jaıly Elbasymyz táýelsizdik alǵan jyldardan beri aıtyp keledi. Búgin qýanyshqa oraı is júzinde naqty qadamdar jasalyp jatyr. Biz, Jastar latyn qarpine kóshýge baılanysty oryn alatyn bilim men ǵylymdaǵy aıtarlyqtaı betburysqa daıynbyz!», - dedi ol.