1600-den astam dene shynyqtyrý pániniń muǵalimi biliktilikti arttyrý kýrstarynan ótedi -mınıstrlik

ASTANA. QazAqparat - Qazaqstandyq 1 630 dene shynyqtyrý páni muǵalimi tegin biliktiligin arttyrý kýrstarynan ótedi. Bul kýrstardy Oqý-aǵartý mınıstrligine qarasty Ulttyq ǵylymı-praktıkalyq dene shynyqtyrý ortalyǵy uıymdastyryp otyr.

QR Oqý-aǵartý mınıstrliginiń baspasóz qyzmetiniń málimetterine qaraǵanda, kýrstar 3 qazanda bastalyp, 2022 jylǵy 9 jeltoqsanǵa deıin jalǵasady. 370 dene shynyqtyrý muǵalimi qatysyp jatqan sabaqtardyń birinshi legi Astana, Qaraǵandy, Pavlodar, Jetisý, Soltústik Qazaqstan oblystarynda ótip jatyr.

«Dene shynyqtyrý páni muǵalimderiniń jumys sapasy men kásibı deńgeıin arttyrý maqsatynda biz ekinshi jyl qatarynan arnaıy ázirlengen kýrstardy ótkizip jatyrmyz. Byltyr bul kýrsty 950 muǵalim oqydy. Búginde elimizdiń 5 óńirinde kýrs ótip jatyr. Aldaǵy ýaqytta kýrsty ótkizý jeri búkil respýblıkanyń aýqymyna deıin keńeıedi. Muǵalimderdiń suranystary negizinde oqytý eki tilde uıymdastyrylady. Ustazdarymyzdyń kásibı deńgeıin arttyrý – basty mindetterdiń biri», – dedi Ulttyq dene shynyqtyrý ǵylymı-praktıkalyq ortalyǵynyń bas dırektory Saǵdat Sadyqov.

Kýrstardy aıaqtaǵan muǵalimder test tapsyryp, memlekettik úlgidegi sertıfıkattardy alady.