160-tan astam aýla men qoǵamdyq keńistik abattandyrylady – Jeńis Qasymbek
13:04, 30 Maýsym 2023
ASTANA. QazAqparat – Ortalyq kommýnıkatsııalar qyzmetinde ótken brıfıngide elorda ákimi Jeńis Qasymbek qalany kógaldandyrý jáne abattandyrý jumystary týraly aıtty, dep habarlaıdy QazAqparat tilshisi.
«Biz elorda turǵyndary men qonaqtary bos ýaqytyn paıdaly ótkize alatyn oryndar sanyn keńeıtý úshin ǵana emes, sonymen qatar qaladaǵy saıabaqtar men gúlzarlardy qaıta qurý úshin de jumys istep jatyrmyz.
Bıyl 165-ten astam aýla men qoǵamdyq keńistikti abattandyramyz. Olardyń bir bóligi «Halyq qatysatyn bıýdjet» jobasy boıynsha aıaqtaldy. Atap aıtqanda, Amman jáne Abylaı han kópirleriniń astynda jaıaý júrginshiler ótkelderi ashylady. Olar Aqbulaq ózeniniń boıyndaǵy saıabaq klasterin baılanystyrady», - dedi Astana ákimi.
Sondaı-aq Jeńis Qasymbek qalany abattandyrýmen qatar, ony kógaldandyrýǵa erekshe kóńil bólinetinin atap ótti. Aıtýynsha, bıyl shahar aýmaǵyna 1 mln jasyl jelek otyrǵyzý josparlanǵan.