16 jastaǵy qazaqstandyq Shrı-Lankada serfıngpen aılanysyp júrip qaıtys boldy

<p>ASTANA. KAZINFORM &ndash; Shrı-Lanka aýrýhanasynda kóz jumǵan 16 jastaǵy qazaqstandyqtyń denesin elge ákelý úshin áýe kompanııasymen kelissóz júrip jatyr. Syrtqy ister mınıstrliginiń resmı ókili Aıbek Smadııarov kezekti brıfıngide osyndaı málimet aıtty.</p>

«10 naýryzda bizdiń Úndistandaǵy elshilikke Qazaqstan azamattary habarlasty. Olardyń kámeletke tolmaǵan 16 jastaǵy uly Shrı-Lankanyń bir aýrýhanasynda jatyr degen aqparat kelip tústi. Ol aqparatty teksergennen keıin 5 naýryzda jasóspirim serfıngpen aınalysyp júrip, sýǵa batyp ketkeni málim boldy. Jansaqtaý bóliminde 10 naýryzǵa deıin 5 kún jatty. Sol 5 kúnniń ishinde, árıne, dárigerler qolynan kelgenniń bárin jasady. Biraq, ókinishke qaraı, jańaǵy bala qaıtys boldy», - dedi ol.

Aıbek Smadııarov qazir Qazaqstan konsýly sol balanyń áke-sheshesimen baılanysta ekenin atap ótti.

«Barlyq qujattar rásimdelip jatyr. Sonymen qatar deneni Qazaqstanǵa jetkizý úshin arnaıy áýe kompanııasymen kelissózder júrgizip jatyr. Balanyń sheshesi qazaq, ákesi sheteldik azamat. Marqum – Qazaqstannyń azamaty. Keıingi birneshe jylda áke-sheshesimen birge Shrı-Lankada turyp kelgen», - dedi SІM resmı ókili.