ASTANA. KAZINFORM - Qytaı fýtbol qaýymdastyǵy fýtboldan jastar arasyndaǵy ulttyq chempıonatyna (U-17) daıyndyq jumystaryn bastap ketti. Soǵan oraı jaqynda Qytaı fýtbol qaýymdastyǵy 17 jasqa deıingi memlekettik áıelder fýtbol komandasynyń 2024 jylǵy alǵashqy jattyǵýshylar tizimin jarııalady, dep habarlaıdy Kazinform tilshisi.
Atalǵan tizimge Іle Qazaq avtonomııaly oblysynyń Kúnes aýdanynan kelgen 16 jastaǵy Mahper Janarqyzy tańdalǵan. Qytaılyq BAQ-tyń dereginshe, Mahper búkil Shyńjań boıynsha jattyǵý tolymdylyǵyna ıe bolǵan jalǵyz sportshy.
Qytaı fýtbol qaýymdastyǵynyń áıelder fýtboly jarysynyń jattyǵý josparyna sáıkes, 17 jasqa deıingi áıelder fýtbol komandasy 2024 jyldyń 23 qazany men 8 qarashasy aralyǵynda ıÝnnan ólkesiniń ıÝsı qalasyndaǵy halyqaralyq sporttyq jattyǵý bazasynda irikteý jattyǵýlaryn ótkizedi.
Qytaılyq BAQ-tyń málimetinshe, bul oqý-jattyǵý jıyny 2025 jylǵy 17 jasqa deıingi áıelder arasyndaǵy fýtboldan álem chempıonatynyń fınaldyq kezeńine daıyndalý jáne áıelder fýtboly úshin kórnekti rezervtik talanttardy odan ári damytý bolyp tabylady.
Beısen Sultan
Sultan Beısen Ál-Farabı atyndaǵy QazUÝ-dyń jýrnalıstıka fakýltetiniń túlegi. Eńbek jolyn 2007 jyly "Jazýshy" baspasynda redaktor bolyp bastaǵan. 2008 jyly "Ara" jýrnalynda, 2010-2011 jyly Almaty oblysynyń "Taldyqorǵan keshi" gazetinde tilshi, 2012 jyly "Taldyqorǵan Seven" gazetinde tilshi bolyp jumys istegen. 2013 jyly sáýir aıynan bastap "QazAqparat" HAA-nde Tóte jazý redaktsııasynda shyǵarýshy redaktor bolyp jumysqa ornalasqan